七師傅跟荷里活女星劉玉玲撞樣嚇親 拆解兩人關係：唔排除有血緣
2024-11-11 07:00 
玄學家七仙羽(七師傅)近日變成人氣王，上周經過她和出賽馬匹「竣誠駒」「溝通」過後爆冷勝出，在港上陣取得首場勝利；另外七師傅又成功預測特朗普當選成為美國總統。最近她跟電影《Red One拯救隊》主角，美籍華裔女星劉玉玲（Lucy Lui）撞樣再成為網上熱話。粉絲一度誤會七師傅進軍荷里活，送上幾萬蚊賀禮，仲恭賀她係嘅華人驕傲。
七師傅一頭霧口水說：「個個以為劉玉玲係我，因為不論身高、面型、髮型、甚至為舉止都一模一樣，我以為係AI整蠱，後來電影公司搵我做宣傳先知同劉玉玲撞樣，𠵱家我周圍去謝票好似同劉玉玲打工咁呀。」
師傅相信兩人一定有啲關係，認為必須要見面驗下DNA，她搞笑道：「我諗上世，或者今世一定係同父異母或者同母異父關係，否則點解生得會咁似呢？事實上冇人知老一輩背後搞咗咩？佢父母、我父母之間又有冇『路』呢？，加上大家都係喺外國長大，我同佢都有機會係私生女喎。」她又表示Lucy好紅，係優秀嘅荷里活女星。至於她可考慮進軍荷里活發展時？她又搞鬼說：「我經常喺荷里活附近飲茶呀。」
最新回應