土瓜灣工人墮棚亡│街坊：連人帶竹同狗臂架一齊跌落嚟 頭破血流冇反應！
2024-11-05 16:20 
今（4日）下午土瓜灣馬頭角道工人由棚架墮平台送院不治。有附近工作的市民陳先生目擊事發一刻，「我由舖頭出嚟買飯，一出嚟突然見到有個人連埋兩支竹同狗臂架，bomb一聲一齊跌落嚟，我即刻報警，警察好快到，消防架雲梯上去救佢，救落嚟時佢已頭破血流，手骨折，救護員做梗心外壓機，將佢送院，佢當時已冇反應，唔清醒，昏迷送院。消防救佢過程大約10分鐘。」
相關新聞：土瓜灣馬頭角道搭棚工人飛墮平台 昏迷送院不治
警員封鎖現場調查。林思明攝
與事主一齊墮下的竹支。
警員到場調查。林思明攝
墮樓工人送院後不治。讀者提供
工人連竹支墮下。林思明攝
陳先生指事主年約40多歲，「身形幾大隻，之後有工友落咗嚟，阿Sir同佢哋問話。不過，我由始至終都唔見（事主）有安全帶或安全帽。」
關鍵字
最新回應