阿正Talk騷尾場跟Jeffrey大講有味笑話 Anson Lo捧場讓賽猜輸被劃花臉 做show搵嘉實行先才有毅力捱完場

商台DJ黃正宜3場Talk騷《正DIVA》尾場昨晚（3日）在旺角麥花臣場館舉行，MIRROR成員Anson Lo（盧瀚霆）、李駿傑及《膠戰》成員劉沛蘅、魏浚笙（Jeffrey）也有來捧場，Anson Lo、Jeremy及Jeffrey進場時更全場起哄。

阿正今次的Talk騷分多個主題，除了不停自嘲感情生活外，亦擺家人上枱，而甫開場阿正即又唱又跳，之後更落台繞場一周後再上台扮謝幕，「ENCORE」時，阿正走到台下表演，當她行上台時，不停與觀眾握手、收花及收信，搞到她忍不住話：「唔講以為今日我擺酒！」隨後她又大爆金句，指自己DIVA的特徵是「入面好小氣表面好大愛」，而講到面對前度的新女友，就因對方是做收音工作，所以試咪時試過唱「FXCK U very very much」，笑指自已鬧完都冇人知，好高章，更笑言「復仇唔係最開心，諗仇人X街先係最開心」。

Anson Lo、Jeremy及Jeffrey進場時更全場起哄。

Anson Lo和Jeremy坐足全場睇阿正演出。

阿正今次的Talk騷分多個主題。

甫開場阿正即又唱又跳。

除了不停自嘲感情生活外，亦擺家人上枱。

她又大爆金句，指自己DIVA的特徵是「入面好小氣表面好大愛」。

提到一片空白的感情世界，阿正自嘲「一路跑，條路同感情一樣好𣈱順，因為冇人」。

之後她又叫男觀眾上台玩求婚，最搞笑的是對方最後選了唱《極速》送給她。

在台上不停扮鬼扮馬。

又邀請正媽上台跳《我愛祈禱》。

阿正又爆阿媽的IG名叫「正媽Love浩然」，她笑指這個是黃浩然而不是自己爸爸。

提到一片空白的感情世界，阿正自嘲「一路跑，條路同感情一樣好𣈱順，因為冇人」、「（身材）肥過電單車，慢慢向巴士出發，巴士都好，起碼有人追」，之後她又叫男觀眾上台玩求婚，最搞笑的是對方最後選了唱《極速》送給她。阿正之後爆好姊妹劉沛蘅分手去了她的家，當聽對方講感情事也差點陪喊，又指本打算跟對方租屋一起住，豈料劉沛蘅聽後卻即時揈開她的手說：「唔使喇，我好快又會拍拖！」之後阿正望著台下的劉沛蘅說：「我講咗兩晚，今日終於講到俾你聽！」

阿正又爆阿媽的IG名叫「正媽Love浩然」，她笑指這個是黃浩然而不是自己爸爸，又邀請正媽上台跳《我愛祈禱》，跳完更影相出帖，除寫「我愛浩然」外更標註對方。

特別嘉賓Jeffrey上台後與阿正不停講有味笑話，阿正指兩人要玩友誼大測試，若Jeffrey答錯問題的話就要「焚城」她，Jeffrey聽後即笑指「焚城要用喉」，然後馬上除皮帶，當Jeffrey第一次因答錯要抱起阿正後，他說：「我有小小柔軟，未開水硬唔到！」隨後他又再因答錯用公主抱起阿正，之後更要孭起對方，但孭完後他說：「好彩孭開嗰啲都重！」而Jeffrey在唱歌期間突除外套露手臂，搞到阿正即笑說：「我去沖涼先！」而在Jeffrey落台後，阿正又搞笑地表示：「我想話俾大家知，我睇到係灰色（底褲）！」

阿正又落台與觀眾玩包剪揼，猜輸要被劃花臉，連輸多局、已被劃花臉的她經少爺占帶領下選了Anson Lo ，雖然講到明會出剪，但Anson Lo刻意讓賽出包，特登輸俾阿正，更同阿正講「蹂躪我！」，阿正隨後在他的臉上簽名。完場前播出阿正籌備Talk騷時苦況，當中也喊了不少次，她之後表示在整個騷的過程中不斷質疑自己，但有大家的支持覺得辛苦也是值得。

特別嘉賓Jeffrey上台後與阿正不停講有味笑話。

Jeffrey要孭起對方，但孭完後他說：「好彩孭開嗰啲都重！」

隨後他又再因答錯用公主抱起阿正。

Jeffrey除外套露手臂又吻手背，搞到阿正即笑說：「我去沖涼先！」

阿正又落台與觀眾玩包剪揼，猜輸要被劃花臉

已被劃花臉的她經少爺占帶領下選了Anson Lo ，雖然講到明會出剪，但Anson Lo刻意讓賽出包，特登輸俾阿正。

阿正隨後在AL的臉上簽名。

表示在整個騷的過程中不斷質疑自己，但有大家的支持覺得辛苦也是值得。

Anson Lo（盧瀚霆）、李駿傑及《膠戰》成員劉沛蘅、魏浚笙（Jeffrey）齊齊來捧場。

阿正在完騷後受訪，她指會給予自己8分

阿正大讚Anson Lo是Sweet Boy。

阿正表示要先休息，又笑言若開，就要早點開始做運動減肥。

阿正在完騷後受訪，她指會給予自己8分，因為還有進步空間，又表示開3場已經很夠喉，因發現自己做完需要2、3個鐘頭回氣，又指前日開騷時頗大壓力，因對她來說很重要的急急子和森美也有來捧場，希望沒有影衰他倆。提到她今次邀請了李駿傑、Jeffrey和呂爵安做嘉賓，她笑指是「2個靚仔、3個朋友」：「有乜好過自肥？乜嘢主題都未諗，先諗嘉賓，跟住我就憑可以見到呢3個嘉賓嘅一股毅力，就捱到今時今日。（Edan都自肥？）都話2個靚仔3個朋友，朋友嘅愛都係愛， Edan係3個裏面最着緊表演，佢好早已經話要夾，見佢咁有心我都特登填咗詞俾佢，我填得勁快，可能怨恨真係好深，「契弟」嗰啲我寫落去時係面露笑容。咁佢哋都好好，幫到我好多，因為嗰個位係俾我回氣。」至於剛才劃Anson Lo的臉，阿正即表示剛才有點驚，自己已表明會出剪所以沒有想到對方那麼調皮，但也大讚Anson Lo是Sweet Boy：「我同佢冇單獨合作，但第一日嚟到見到佢送嘅花籃真係覺得Sweet Boy嚟，所以我好開心，頭先猜包剪揼，我真係好唔想落筆，佢想我蹂躪佢，我只係應佢要求。」至於是否有機會開part2，阿正就表示要先休息，又笑言若開，就要早點開始做運動減肥：「我今次冇特登減，個個開騷都減肥，冇特色，但經過今次之後無論我咩身形大家都咁愛我，呢個好sweet，點解我話想減肥，就係因為今次我話唔露，啲衫包到冚實在太熱，我有權係第一個開騷中暑嘅人，所以下次想瘦小小，多返着衫嘅選擇，心胸可以再開放啲！」