胡慧冲獲爆紅鄺玲玲抽空拍《冲遊10》 芭堤雅篇有E Cup女神暢泳丨獨家

由「泰國通」胡慧冲（Roger）主持的旅遊節目《冲遊泰國》系列相當受歡迎，新一輯的《冲遊10》已於本周一在TVB Plus播出，節目中除介紹曼谷最新打卡點外，還有神秘E Cup女神跟Roger在芭堤雅暢泳。Roger最感恩得到近期爆紅的鄺玲玲主持「玲玲有心事」及「泰國冇問題」兩個環節：「佢零要求，真係有情有義。」採訪：方騫平

鄺玲玲對Roger有情有義。

「冬蔭家族」大合照中，「女神」鄺玲玲同冬薩妹喺c位，Roger都要坐側。

節目中鄺玲玲主持「玲玲有心事」。

胡慧冲、鄺玲玲好有默契。

就算鄺玲玲幾忙都幫胡慧冲。

《冲遊泰國10》中，胡慧冲嘅「冬蔭家族」成員齊晒腳。

「泰國冇問題」由「冬蔭家族」成員拆解觀眾對泰國疑問。

「冬蔭家族」成員各有支持者。

「叉燒姐」鄺玲玲唔使助手隨行照顧。

胡慧冲從旁睇實女神鄺玲玲。

最近「泰國通」胡慧冲嘅「冬蔭家族」成員「叉燒姐」鄺玲玲，憑GL泰劇《我們的秘密》爆紅成為「女神」，雖然工作忙到飛起，但仍二話不說抽空相助，更加零要求，唔使助手陪。Roger開心說：「我講笑同佢話『我從來冇一個咁紅嘅朋友，不如下次帶埋我去你嘅影迷聚會啦，我可以幫手拎嘢做阿四。』點知玲玲反應好大『吓？胡慧冲幫我拎嘢？咁唔得喎，點可以咁㗎。』」Roger透露有中港電影公司聯絡玲玲拍戲，作為港泰混血兒嘅玲玲坦言對拍戲好有興趣。

港泰混血兒鄺玲玲有樣有身材。

鄺玲玲憑GL泰劇《我們的秘密》爆紅。

鄺玲玲喺GL泰劇《我們的秘密》有咀嘴戲。

鄺玲玲主演的GL泰劇《我們的秘密》。

鄺玲玲有好多FANS。

冬蔭妹拍親子內容

在12集的《冲遊10》中，Roger會遊走曼谷最新打卡點，包括爆紅嘅「貓貓船」：「有貓貓踩住我膊頭，陪住遊船河係好開心嘅。」還有泰式鬼擺設的鬼咖啡室；Songwat文青街；人山人海嘅平價流水活蝦：「多謝冬薩妹『升呢』人母後仲帶埋寶貝女出嚟外景，一齊拍啲親子內容；至於鄺玲玲就教關於講心事嘅泰文；另又跟『冬蔭家族』成員齊齊講解一啲大家對泰國嘅疑問。」而最後4集就係重點推介，Roger話芭堤雅篇會同E Cup女神暢泳，觀眾一定有驚喜。

Roger俾貓貓踩住膊頭陪住遊船河。

「貓貓船」𠵱家喺泰國爆紅。

經訓練的貓貓懂得玩跳船。

喺曼谷食平靚正游水活蝦。

鬼咖啡室。

咖啡廳內有泰式鬼擺設。

有特式鬼蛋糕。

人母冬薩妹幫手拍啲親子內容。

Songwat文青街內小店。

胡慧冲、冬蔭表妹介紹文青店。