東張西望丨「何伯事件2.0」女兒被迫遷首與父對質爆罵戰 吳父：養你40幾年咁樣搞我！
2024-10-28 21:54 
TVB節目《東張西望》早前收到吳小姐求助，指其73歲爸爸想與細28歲的「小三」同居，之後爸爸性情大變，更涉及金錢瓜葛。吳小姐指爸爸竟要她付20萬元月租，以及不願向她歸還600萬元賣樓錢。今晚（28日）播出的一集，《東張西望》繼續報道事件，並安排父女二人對質，期間女兒直指爸爸是「戲精」，並稱：「我真係覺得呢，你呢個咁嘅老竇呢，真係越嚟越核突。」
相關閱讀：東張西望丨七旬翁亡妻屍骨未寒 帶細28年小三返屋企 戀情被反對竟出招「逼害」女兒
吳小姐直指老竇係戲精：
今晚播出的《東張西望》繼續報道吳氏父女事件，吳小姐對老父態度有變深感不解：「我其實真係唔明，點解要為外面一個女人，搞到成頭家係散晒。」吳小姐續指，只想取回屬於自己的金錢，跟兩名女兒好好生活下去。面對父親常指摘她想趁自己未死前分身家，吳小姐回應：「唔係攞佢啲錢，只係想攞返自己個啲囉。」
吳爸爸解釋其妻亡後需找伴
《東張西望》製作隊找來吳爸爸，並透過電話查詢事件，吳先生回應：「成日話我有另一個女人，阿媽死咗，我有個女人，個女人呢就想吞我啲錢，又乜乜，完全唔係㗎。呢個女人，我識佢冇錯，都唔係咁短時間，十年八載，但係從來都冇搞過我屋企問題，但係太太死咗之後，梗係要搵個伴啦，大佬係咪先？」
吳爸爸親解「小三」是誰
而節目中亦有透露，原來吳爸爸與該名被指是「小三」的女人，二人相識非偶然。吳先生解釋：「佢係做股票嘅，我以前幫襯佢咁耐，一齊做生意，做股票，幫我買賣。嗱，一個男人做生意，一個女仔好感嘅話，唔出奇㗎嘛。我夜晚都喺我自己屋企，係咪？我都冇去同佢一齊住，佢仰慕我做氐意都唔定，我有好多女朋友㗎嘛。」至於主持人問到，亡妻生前是否知道該女士的存在，吳先生則回應：「我唔知老婆知唔知，應該唔知㗎，佢知道我好多女仔㗎啫，做生意都有女人㗎啦，我有去夜總會去花弗都有㗎嘛。」
吳家父女因「小三」損親情？
吳爸爸結婚乃夫妻二人之事
面對女兒阻止戀情，吳先生表示：「我哋出嚟做生意，好多都係女朋友嗰啲…年幾之後，我太太走咗啦，大家我有個伴，我要搵個伴，以為我仲有啲身家，將來都可以安安穩穩，七十幾歲，我十年八載就拜拜嘅話，我都叫做舒舒服服。到後尾我同佢結婚，就係因為我老婆過身，咁我個女咪反對囉。咁反對咪，好多時係夫妻兩個人嘅嘢，仔女根本唔清楚嗰啲嘢，佢要加鹽加醋，我都唔知點樣搞法呀。因為佢唔係我老婆嚟，係我個女嚟㗎。」提到遺產分配，吳先生指出女兒以及兒子分別各自分得12%，全都給了女兒，直指很多事都是女兒作出來。吳先生更表示，希望透過節目跟女兒說：「而家你老竇呢，搞緊離婚手續㗎啦，因為佢唔鍾意，但係我都冇錢，個女人我叫佢走添呀，唔好跟我啦。問題嚟講，我個女肯唔肯相信。」
吳家父女二人對質
其後，製作隊欲找來二人作對質，並到訪吳先生的公司，惟其公司沒人在，更看似已有多個月沒人打理，最後製作隊透過電話安排二人對質。吳小姐起始指看完爸爸的月結單，有逾1,600萬存入，吳先生聽後直指亂說，並透露現在正在破產呈請。提到涉及600萬的借款，吳先生表示：「冇冇冇，係幫佢用嚟投資，呢間財務公司係佢做老闆，就攞返嗰10%，通過我呢度一齊夾咗5,000幾萬落去，佢扔咗500萬落去，一次過就畀息口我，我就計返畀佢，其實全部都係公司㗎。」吳先生再次重申：「我點會問佢（女兒）借錢？」
吳小姐直指爸爸沒良心
吳小姐聽後，直指爸爸「戲精」，爸爸則回應指：「咩戲精呀？你唔好亂嗡呀。我養咗你40幾年，你咁樣搞我？」吳小姐則指控，吳先生在媽媽死後三年半大變，更叫爸爸想想是如何對待他們，直指吳先生沒良心，以及他那名「小三」其實身邊人一早都見過，並指責吳先生：「我真係覺得呢，你呢個咁嘅老竇呢，真係越嚟越核突。」最後，吳小姐聲稱，現在要找朋友幫手，看看哪裡有地方可以先搬過去。
其他文章：
東張西望丨蕭正楠變主持逼走上位小花！坐主播枱申訴有人打交 被區永權窒：等錢使？
最新回應