AGA陪姨甥女玩好攰未有耐性做媽咪 冧讚未婚夫的士邦好支持做任何事丨獨家

AGA（江海迦）年初花了4個月為首張概念大碟《Writer\'s Block 》寫了11首歌，包括剛推出的第2首派台歌《Unfamiliar City》，歌曲MV更有機會串連成電影推出。AGA大讚同未婚夫「的士邦」鄭子邦好夾，兩人遲早會組織家庭。採訪：杜杜 攝影：朱偉彥 髮型:Jackal Wong @artify.lab 化妝:Ricky Lau服裝:Land Crawford 場地:The Fine Wine Experience

AGA未心急做新娘，但期待跟「的士邦」組織家庭。

AGA未心急做新娘，但期待跟「的士邦」組織家庭。

AGA就算結婚生仔後，仍會堅持做唱作歌手。

AGA就算結婚生仔後，仍會堅持做唱作歌手。

AGA寫《Writer\'s Block 》概念大碟，全因這是唱作歌手的最大恐懼，「創作人樽頸位咁解，成日聽見唱作歌手寫到第3、4隻碟後寫唔到，好彩我未試過，但就係我最大恐懼，唔敢想像寫唔到歌嘅人生會點？！」她將這個概念形象化，像小說一樣創作成一座大廈，當中3個單位的住客故事成為歌曲主角。

概念碟《Writer\'s Block 》，第1首推出《DRUNK DIAL》。

概念碟《Writer\'s Block 》，第1首推出《DRUNK DIAL》。

AGA在《Unfamiliar City》MV中的造型好特別。

婚禮日期未定

繼年初推出第1首歌《DRUNK DIAL》後，新歌《Unfamiliar City》同樣講住在2樓203室的住客，MV由她親自演繹這角色，「呢個女仔好大情大性，同我底層幾似，但佢永遠將自己快樂建立喺人哋身上。」她有意推出小說外，MV亦會有連貫性，「除咗紅館個唱外，第2次跳出舒適圈，第1次參與咁多，故事會一直拍，暫時拍咗5首歌，下年會再拍，會唔會變成電影？就要睇觀眾支唔支持嘞！」

首次拍MV參與度咁高，AGA壓力大但亦好過癮。

首次拍MV參與度咁高，AGA壓力大但亦好過癮。

AGA去年認愛「的士邦」，更宣布已訂婚，但未有計劃婚禮日期，「真係唔急，兩個人一齊開心就得，婚姻對我嚟講只係一張紙，但都想行下一步。」她又趁機冧讚未婚夫是理想另一半，「好幸運遇到一個好支持我做嘢，好明白我嘅人，我哋性格上一個北一個南，但價值觀好相近。」她笑指陪姨甥女時，測試到自己未適合做媽咪，「好似IG story咁得幾秒，因為好攰，冇咁嘅耐性。」但她強調一定會組識家庭，「人生中要經歷嘅嘢，好美好，家庭同事業冇抵觸，唔係結咗婚生咗仔就唔可以做歌手，但我想做一件事係100%去做，𠵱家首要完成呢個作品先。」

AGA跟「的士邦」性格相反，但價值觀卻好夾。

AGA除了忙於製作概念大碟，還要繼續做巡迴Show。