暗戀33年百貨公司女店員 港男千字文抒鬱結 女店員樣貌曝光成焦點｜Juicy叮

有港男近日在社交平台發文，以千字文抒發，暗戀一名百貨公司女店員33年的種種鬱結，他同時有曝光疑似女店員的廬山真面目，引發網民熱議。

女店員樣貌曝光？暗戀33年百貨公司女店員 港男千字示愛文要點如下：↓↓↓↓

女店員樣貌曝光？暗戀33年百貨公司女店員 港男千字示愛文要點如下：

90 年代讀緊中三下學期時，有一次行經一間百貨公司內精品店時，見到一位年輕女職員，應該是學生兼職，佢個樣好靚好清純，頭髮長長笑起黎很吸引

於是每日放學，都去精品店度睇野，順便望下佢，嗰時真係唔知點解，要離遠望下佢先安樂，

港男在網上發帖（來源：FB專頁「90年代回憶 (新版)」）

他表示，曾購買送給暗戀女店員的同款白色熊仔。（來源：FB專頁「90年代回憶 (新版)」）

他在初時帖文，曾附上一名女店員相片，其後則刪除改為白色熊仔。（來源：FB專頁「90年代回憶 (新版)」）

事主附上的一名女店員相片。（來源：FB專頁「90年代回憶 (新版)」）

部分網民發現，有關女神相片，早前亦曾在同一社交專頁內刊登，當時標示為90年代一間精品店的女職員，而相片則註明為「轉自網上圖片」。（來源：FB專頁「90年代回憶 (新版)」）

記得自己仲死慳死抵兩個幾星期，儲左二百幾蚊，終於有一日膽粗粗咁，放學後去到精品店，當時佢係度，

我係店內揀左隻白色熊公仔，佢面露微笑行過黎接住隻公仔，仲幫我搵左隻新公仔

佢問我係咪送比人，我嗰時緊張到唔識出聲，佢見我唔出聲再問我，係咪送比心中最重要嘅人，

我話係，佢聽到就話幫我揀張花紙，仲話對方一定會喜歡，佢包起隻熊公仔時，我嗰時個心一直卜卜咁跳，

待入好膠袋，付款後張收據放入膠袋內，我接過後我同佢講：我其實係送比妳，希望妳喜歡，

我將裝住熊公仔個膠袋交左比佢，佢雙手接住後，好愕然咁望住我，

我仲好記得掂到佢隻手，大家呆呆咁互望左十多秒，我嗰時勁緊張到急速離開，

等自己冷靜左幾日，放學去到精品店時以經見唔到佢，

之後一日、兩日、三日⋯⋯過左一星期⋯⋯依然無再見到佢，我可能我真係⋯真係嚇親佢⋯⋯

完成中三後，過左暑假到十月左右，行經百貨公司時，無意中見到請人廣告，就入去寫字樓見工，仲成功獲聘，入職後被派去到精品店同層附近部門度工作，

而精品店有職員認到我，話佢當時收到我送比佢嘅禮物後，整日唔出聲，佢收工有帶走禮物，可是佢第二日返黎辭職⋯⋯

......有一日我放完例假返黎，有同事同我講，話琴日有個女仔黎搵我，話佢長頭髮斯斯文文，問我同事我會返幾點，我直覺覺得係佢，

而精品店職員都話佢黎過，仲轉交左一盒朱古力比我，盒朱古力原本攝住一封信，但封信佢最後抽起左，

仲話佢之前一直有返黎行下望下，有時佢會離遠望向你部門，有時仲係收銀處附近，甚至係你面前，你可能多客時太忙無留意先見唔到佢，聽完後我嗰一刻嘅心情⋯⋯

而嗰次之後，無再聽到佢嘅消息⋯⋯

......每日返工落到貨場，都希望可以見到佢，可惜事與願違，直至我轉工離開公司前最後一日，都無再見到佢⋯⋯

當一個人獨處，飲住啤酒想起呢段往事時感受很深，而呢段 33 年前往事，永遠⋯永遠藏在心裏⋯⋯

該港男近日在FB專頁「90年代回憶 (新版)」發文，以近千字抒發這段長達33年的暗戀之情，他在原帖文中有附上一名女店員的相片，但其後刪去，以一隻他曾送給該女店員的公仔相片取代。

港男在帖文中只表示，女店員的相片「來歷已經唔記得」「呢張相係我手機內將近十年」。

港男：佢個樣好靚好清純

他憶述33年前，即90年代與暗戀女神相遇的經過，當時他「讀緊中三下學期時，有一次行經一間百貨公司內精品店時，見到一位年輕女職員，應該是學生兼職，佢個樣好靚好清純，頭髮長長笑起黎很吸引」。

「於是每日放學，都去精品店度睇野，順便望下佢，嗰時真係唔知點解，要離遠望下佢先安樂。」

港男大膽示愛：緊張到唔識出聲

其後港男更曾試過向該女子示愛，他儲錢後，到該精品店選了一隻白色熊公仔，「當時佢係度，我係店內揀左隻白色熊公仔，佢面露微笑行過黎接住隻公仔，仲幫我搵左隻新公仔。」

「佢問我係咪送比人，我嗰時緊張到唔識出聲，佢見我唔出聲再問我，係咪送比心中最重要嘅人。」

「我話係，佢聽到就話幫我揀張花紙，仲話對方一定會喜歡。」

女店員接示愛公仔：佢好愕然咁望住我

「佢包起隻熊公仔時，我嗰時個心一直卜卜咁跳，待入好膠袋，付款後張收據放入膠袋內，我接過後我同佢講：我其實係送比妳，希望妳喜歡。」

該女店員接住隻公仔後，當時，「好愕然咁望住我，我仲好記得掂到佢隻手，大家呆呆咁互望左十多秒」，港男表示，當時太緊張，雙方未有任何表態後，他即急速離開。

數日後，港男再到該精品店，已經不再見到該女店員，之後該女店員再無出現，「我可能我真係...真係嚇親佢......」

「我可能我真係嚇親佢...」

完成中三後，港男其後更到該百貨公司應徵，最後成功獲聘，更調至該精品店同層的部門工作。

「精品店有職員認到我，話佢當時收到我送比佢嘅禮物後，整日唔出聲，佢收工有帶走禮物，可是佢第二日返黎辭職......」

疑似女店員其後主動找港男

其後，港男表示，有日放完例假後，「有同事同我講，話琴日有個女仔黎搵我，話佢長頭髮斯斯文文，問我同事我會返幾點，我直覺覺得係佢，而精品店職員都話佢黎過，仲轉交左一盒朱古力比我，盒朱古力原本攝住一封信，但封信佢最後抽起左。」

「仲話佢之前一直有返黎行下望下，有時佢會離遠望向你部門，有時仲係收銀處附近，甚至係你面前，你可能多客時太忙無留意先見唔到佢......」

港男表示，「嗰次之後，無再聽到佢嘅消息......」

港男表示：「每日返工落到貨場，都希望可以見到佢，可惜事與願違，直至我轉工離開公司前最後一日，都無再見到佢......而呢段 33 年前往事，永遠...永遠藏在心裏......」

網民質疑相片來歷

雖然港男表示，女神的相片「係我手機內將近十年」，但部分網民留言指，有關女神相片，早前亦曾在同一社交專頁內刊登，當時標示為90年代一間精品店的女職員，而相片則註明為「轉自網上圖片」，而有網民亦指有關帖文曾多次「重po」。

同場加映：4孩港爸千字文控妻子出軌 揪心苦況逐樣數：「事隔半年，真係跳唔到出嚟！」↓↓↓↓

男人最痛！4孩港爸控妻子出軌 千字控訴文要點

「事隔半年，真係跳唔到出嚟」

「同我老婆一齊20年，有四個小朋友，」

「我賺嘅錢全部用晒喺個家度，」

「我對佢係百分百信任，我從來都唔睇老婆手機，」

「有一晚佢開着微信瞓覺，咁我就多事睇吓，」

「見到佢send咗好多性感相俾人，我都知肯定出咗事，」

「再睇上去，見到佢同人開房嘅自拍，」

「即刻捉咗佢起身打咗幾巴，」

「佢同我講只係一次，玩吓，分咗手，」

「佢叫個女求我原諒佢，」

「我衰心軟，冇趕走佢，10日冇同佢講過嘢，」

「去到第11日，佢叫個女同我講佢要加班，返唔到嚟煮晚飯，」

「我冇理到，當晚我又偷偷地睇佢手機，」

「原來佢冇返工，去咗搵奸夫......」

「點解可以咁樣？佢又嚟求我原諒佢，」

「我即時叫佢send我哋1家6口張相俾個奸夫，佢有照做，」

「我嬲得滯又打咗佢幾巴，今次佢報警拉我，」

「我有禁制令，開庭前唔返得屋企（21日），」

「喺呢段時間，我查咗佢戶口，」

「原來佢每個月都會用五、六千蚊買嘢俾嗰奸夫，」

「我啲錢係好辛苦賺返嚟，養咁多個小朋友，」

「原來佢做啲咁嘅事，成日同我講冇錢，」

「俾啲仔女食杯麵，原來拎晒我啲家用去貼仔，」

「我上完庭，判咗36個月守行為，」

「其實我已經原諒咗佢，」

「我返咗屋企之後，想同佢好好地傾吓，」

「點知講唔夠兩句，佢執嘢走話要離婚，」

「我心諗由得佢冷靜吓，點知，」

「原來當晚佢又約咗第二條仔睇戲，」

「仲要俾我啲同事撞到正影埋相，究竟佢有幾多條仔？」

「當晚我就離家出走，留低啲仔女喺屋企，」

「佢即刻返咗嚟，接咗啲仔女走，到我返屋企嘅時候，已經冇晒人，」

「原來佢哋搬晒去宿舍住，」

「住咗唔夠一個禮拜，就有男仔送佢返宿舍，即刻俾人趕走，」

「佢哋五個人冇辦法，返咗去佢老竇度住，」

「佢一樣日日出去玩，俾啲仔女食杯麵，」

「啲仔女終於忍唔住嚟求我接佢哋走，我又衰心軟，」

「我接咗佢哋返嚟又要返工，」

「終於俾人捉到我疏忽照顧兒童，連份工都要辭埋，」

「冇工開啲小朋友食咩？」

「佢湊小朋友嗰個幾月，我一直有俾錢同家用佢，」

「我一月接返啲小朋友返嚟到今日，佢一蚊都冇俾過啲小朋友，」

「四個月啦，我真係頂唔住，」

「啲小朋友每個月要洗我三萬蚊，」

「依家連份工都冇埋，真係唔知點算」

「（妻子是）香港（人），佢15歲跟我到而家」