吳業坤為胡鴻鈞放棄同老婆慶生 希望可海外巡演順道拍旅遊特輯

認識14載，胡鴻鈞 (Hubert)和吳業坤(坤哥)終於擁有屬於他們兩人的首個演唱會，「胡鴻鈞 X 吳業坤《GROW WITH THE FLOW 演唱會 - 香港站》」，將於2024年12 月8 日 (星期日) 在麥花臣場館和大家見面，今天(大會舉行演唱會發布會公布詳情，儘管天氣依然非常炎熱，而發布會場地剛好在室外露天位置，但也無阻接近一百位粉絲在炎陽下的到場支持。主持 Kawaii 在台上問及 Hubert 和坤哥為何認識這麽久才第一次合作開演唱會，Hubert 笑說：「我和坤哥由比賽到而家認識咗 14 年，但坤哥太忙，每次同佢講不如一齊開 show，佢就會有好多理由，例如佢自己開個唱、拍劇、結婚，同埋去旅行度蜜月，終於坤哥有時間啦，多謝你。」坤哥說：「得我哋兩個係唔成事嘅，要多謝主辦方同經理人嘅促成，仲有好支持我哋嘅粉絲。」全場粉絲即時拍掌和尖叫，為 Hubert 和坤哥兩人打氣。

跟贊助商及大會主辦一齊正式公佈演唱會詳情。

Hubert 表示：「今次演唱會名稱叫做 GROW WITH THE FLOW，係上次影演唱會海報嗰陣靈機一觸諗到。」

天氣太熱，坤哥笑言要將外套送給台下觀眾。

跟粉絲一齊玩畫畫遊戲。

Hubert說二人認識咗 14 年，有各自嘅經歷，不過坤哥就多他一樣嘢，就係結咗婚。

坤哥同Hubert識咗咁耐，好多嘢都冇特別顧忌。

一眾粉絲在炎陽下到場支持。

一眾粉絲在炎陽下到場支持。

Hubert對坤哥咁細心，難怪坤嫂會呷醋。

Hubert 表示：「今次演唱會名稱叫做 GROW WITH THE FLOW，係上次影演唱會海報嗰陣靈機一觸諗到，本來係叫做《GO WITH THE FLOW》，因為我哋認識咗 14 年，有各自嘅經歷，不過坤哥就多我一樣嘢，就係結咗婚，已經係人夫，但係我又想演唱會名入面有成長嘅意思，所以最後將 GO 改為 GROW，大家一齊成長。」坤哥回應說：「當初影結婚相嗰陣 Hubert 都有嚟，我同Hubert識咗咁耐，好多嘢都冇特別顧忌，但係我老婆見到我哋企得咁 close 即刻好緊張將我同佢拉開，今日係老婆生日，但為咗做嘢唔可以陪佢，希望佢唔好嬲啦。」至於會否有其他地方的演出，Hubert 說主辦方在安排中，坤哥則說如去海外巡演可一併拍攝旅遊特輯，一舉兩得。Hubert 和坤哥說歌單和嘉賓人選仍未作最後決定，他倆呼籲大家可以留言在他們的社交媒體上作參考，希望屆時所有觀眾也會看得心滿意足。