張敬軒破澳門開騷紀錄 分享童年趣事自認好複雜 與歌迷互相傷害「你7街瞓！」

《Dahlia Blossom HINs CHEUNG PRIME CLASSICS LIVE 2024 張敬軒澳門演唱會》昨晚（18日）於澳門倫敦人正式展開。軒仔未夠一年再受邀到澳門倫敦人演出，一年內在澳門舉行了30場演唱會，絕對破了澳門演唱會史上的紀錄！

當中一套全身黑色閃閃連身衫，設計靈感來自軒仔。

歌單亦作大幅度調整，」包括：陳慧琳《風花雪》、楊千嬅《少女的祈禱》、吳雨霏《我本人》等。

軒仔又分享不少童年往事，稱陳慧嫻89年的告別演唱會是他的表演節目。

因軒仔可以把慧嫻成個演唱會由opening唱到ending為止。

軒仔指最神奇係冇諗過今時今日大家同屬一間唱片公司。

這次演唱會是「THE PRIME CLASSICS」的第三章，軒仔以五套全新歌衫演出，當中一套全身黑色閃閃連身衫，配頸上的大理花飾物，設計靈感來自軒仔。除了新衫，歌單亦作大幅度調整，軒仔謂有人問他這個演唱會是否「換湯不換藥」，只是轉幾首歌，但軒仔說：「我可以話俾大家聽今晚有六成以上嘅作品都係舊年冇唱過嘅。」包括：陳慧琳《風花雪》、楊千嬅《少女的祈禱》、吳雨霏《我本人》、陳慧嫻《夜機》、彭羚《漩渦》、蔡玲玲《細水長流》及葉德嫻《不捨也為愛》等。

軒仔又分享不少童年往事，「細個媽咪開咗一間卡拉OK，我逢星期5晚都會有自己一個的表演時間，陳慧嫻小姐89年的告別演唱會係我的表演節目，我可以成個演唱會由opening唱到ending為止，為我奠定咗好多音樂基礎，最神奇就係冇諗過今時今日我哋係同屬一間唱片公司，慧嫻姐姐就嚟開演唱會啦，希望大家都會多多支持，我而家爭取緊可唔可以去做嘉賓！」隨後便唱出陳慧嫻的《夜機》。

軒仔指大家見到今日在舞台上面的張敬軒，其實是一個好複雜的人。

軒仔表示這種感覺自己都冇辦法去解釋。

軒仔嘅舞台好靚！

演唱會上軒仔再次同歌迷搞笑「互相傷害」，大叫「你7街瞓」。

軒仔與歌迷。

軒仔與歌迷。

軒仔續說：「去到2000年我阿媽開咗間麻雀館，我阿媽專做嗰啲嘢㗎，冇賭牌咋，有賭牌佢都應該開賭場㗎，我阿媽好鍾意玩兩手，所以我又喺麻雀館做過！」成長環境，加上是獨生子，軒仔喜歡自己跟自己玩，坦言enjoy這種生活，「所以大家見到今日喺舞台上面嘅張敬軒，其實係一個好複雜嘅人，我都冇辦法去解釋。我覺得自己好似個城堡，有好多個窿，有好多間房，每一間房都裝咗唔同嘅嘢，有啲裝開心，有啲有本小器簿記住邊個對我唔好我就會寫喺入面，有啲永遠向人敞開；有啲房間鎖咗門之後連自己都唔俾入去，我哋每一個人都係一個複雜嘅結構，都係一個有好多間房嘅城堡，所以喺呢個城堡入面究竟係一個廢墟？定係一個屬於自己先至可以悠然自得嘅遊樂場呢？其實都係我哋自己決定。」

此外，演唱會上軒仔再次同歌迷搞笑「互相傷害」，他說：「今晚我覺得好開心，可能佢吸取咗去年嘅教訓，冇人大嗌、冇人亂講嘢……」話音未落即有觀眾大嗌，軒仔一副生無可戀的表情，「佢係咪嗌除衫？老公？你周街嗌人老公嘅咩？你兩條友如果再係咁嗌，我真係發嬲俾你睇！」歌迷竟起哄叫好，軒仔說：「嗱，你哋拎起電話，我錄一段俾你哋返屋企留念，你哋想睇張敬軒鬧人吖嘛，呢期好Hit㗎呢句，『你7街瞓！』喺自己演唱會度着到咁靚，用鄉音叫人你7街瞓…… 唉！」爆笑全場。