車cam直擊│九龍塘學牌車倒後泊車 Tesla後來居上插位 網民痛斥「老套又無品」
2024-10-16 14:01 
今日(16日)有網民上載一段車cam片，引來網民熱議，片中一部屬駕駛學校掛上學牌的私家車，在九龍塘倒車泊車期間，一部Tesla私家車駛至見狀，竟「後來居上」插位霸了該個車位，令學牌車進退兩難，停在路邊不知所措。片段亦在此結束，未能了解學牌仔最終去向，惟網民幾乎一面倒怒罵Tesla司機「老套又無品」，同情學牌仔遭遇。
有網民指責Tesla司機，「搶學牌仔泊車位，人地（哋）個屎忽（車尾）都入緊去，仲一野插埋去，其實前面仲有位囉…再唔係你停後面等等啦，人地（哋）見到你想泊車會走架…老土（套）又無品。」
網民怒斥「Tesla呢個行為真係無得頂，咁搶人車位係賤，學車都搶就更賤」。「成年人點做得出呢啲行為，厚面皮到癲睇到都覺得尷尬。」
最新回應