歐倩怡談婚變被抨擊委屈喊足3日3夜 營養學碩士提供有用Keep Fit秘訣丨獨家

5個月前，44歲的歐倩怡（Cindy）跟大她15年的郭晉安，分別於IG宣布分訊，震驚全城！回復單身的Cindy除復出為HOY TV節目《健康關注組》做嘉賓提供營養資訊外，更為一間大學當研究助理。考獲體育及運動營養學碩士學位，擁有英國營養學家牌照的Cindy更為讀者提供健康減肥秘訣。至於曾於訪問中談論離婚，慘被網民不停抨擊最令她耿耿於懷，更自爆好委屈喊足3日3夜。採訪：方騫平 攝影：譚志光

歐倩怡於訪問中不時笑笑口，新生活應該過得幾開心。

歐倩怡要重新出發。

Cindy要努力建立事業，暫時冇諗第2春。

歐倩怡曾因為談婚變，被抨擊委屈喊足3日3夜。

歐倩怡學以致用，以營養學家身分做嘉賓主持，提供健康飲食資訊，由於要有真實數據支持，笑言對一位口快快的人來說，是一個勒住條脷的訓練，「要經常提醒自己少說話多做事」。她又指記憶力大不如前，要花更多時間背稿。

歐倩怡、朱智賢和敖嘉年拍攝HOY TV節目《健康關注組》。

均衡飲食最健康

提到女人幾多歲都愛減肥，有否中女Keep Fit秘訣？Cindy指40歲後肌肉容易流失，一定要做阻力運動，如每日慢跑或慢行30分鐘：「我盡量每晚跑街5K，緊記要拉筋。」另外，要調整飲食，根據健康飲食金字塔的原則(適量進食水果、蔬菜、魚及肉、蛋、豆類奶和奶製品5種基本食物種類)：「我戒甜20年，但澱粉質一定要有」，她又提供健康飲食小貼士：「冇一樣食物係最好或最差，最重要均衡飲食。」

Cindy好注重健康飲食，要戒糖20年。

歐倩怡食得清淡。

自製薯仔薄餅。

44歲的Cindy身材算FIT。

44歲的Cindy經常做運動防肌肉流失。

嘆網上多假新聞

歐倩怡於2006年結婚後便退出娛樂圈，相隔18年重返覺得成個圈唔同晒：「唯有努力調整自己心態，少說話多做事做好自己，每個行業都係適者生存，好彩做運動都可以幫到減壓。」她坦言當日公開談論離婚，惹來連串負評好唔開心：「我真係喊咗3日3夜，覺得好心碎，努力咗咁多年冇俾人讚過，只換嚟一堆抨擊，呢啲唔係我想要嘅反應，我真係唔知自己做錯乜？覺得連呼吸都有罪。」歐倩怡唔畀自己再唔開心，「我諗唔到反應咁大，心態係自己嘅，咪調整到自己可以控制到嘅嘢，多謝大家關心。」

Cindy接受網台訪問時大爆和安仔離婚原因。

Cindy指郭晉安跟網上方法用片糖沖熱水為她急救，但當時她已失禁。

第朝甦醒時她攬住個痰罐，死唔去。

歐倩怡自爆有玩交友App。

不過自言高學歷卻令男士卻步。

Cindy再補充，稱網上太容易暢所欲言，故有太多假新聞：「所謂知我為人嘅熟朋友，其實我完全唔『識』佢喎，坦白講我喺呢行10幾年，朋友都唔多個，尤其近年只係接觸學校老師及家長。」Cindy又堅稱事情已過去，已冇嬲郭晉安：「都冇嘢好嬲佢，冇話邊個委屈啲，大家之後都要努力生活啦。」她還以營養學角度形容目前個人處境：「營養學日新月異，每個國家每分鐘都有科學家，研究緊對人類有益及有害嘅物質，每分鐘世界在變，雖然係難，但自己都要每分鐘在變嚟適應呢個世界。」

當年歐倩怡以唱卡通片《櫻桃小丸子》片尾曲《問題天天都多》成名 。

曾和張栢芝係樂壇戰友。

歐倩怡、陳冠希拍過電影《願望樹》。

郭晉安與歐倩怡因合作旅遊特輯而生情。

當年郭晉安與歐倩怡一同拍攝旅遊節目《反斗俱樂部》。

郭晉安扶歐倩怡下車。

歐倩怡又為郭晉安搖安樂椅。

郭晉安不時以愛的眼神望向歐倩怡。

節目組更請女方對郭晉安說「我愛你」。

兩人曾好SWEET頭貼頭影相。

2006年，郭晉安及歐倩怡於香港迪士尼樂園舉行婚禮。

主題金園搞夢幻婚禮。

2008年成功造人。

2011年誕下細女。

近10年做全職媽媽。

一家4口曾經好溫馨。

兩人育有一子一女。

歐倩怡與郭晉安的放閃Po，已經要數到2021年。

4年前郭晉安跟歐倩怡為《流行經典50年》做嘉賓，是兩人最後合體。

2020年兩人同台合唱。

有傳兩公婆常意見分歧。

郭晉安與歐倩怡今年5月2日突然分別在IG公布離婚。

歐倩怡不談贍養費問題。

「登六」郭晉安不愁寂寞。

啱啱「登六」的安仔獲大量圈中老友為他慶生。

郭晉安離婚後接受馮素波訪問時罕談家事，卻未有提起前妻。

大仔郭令山（右）和細女郭以雅。

郭晉安今年8月陪兒子到英國開學。

郭晉安多年來做公司生招牌。

慳得一蚊得一蚊

Cindy絕口不提贍養費問題，強調失婚後會更努力工作建立事業，唔會再似以前戀愛大過天，對於曾發表急搵錢交租，「等錢使」言論，Cindy澄清被曲解了意思：「我係指成個經濟氣候唔好，大家都辛苦，我都係香港人，事業都係啱啱開始要靠累積，都要努力搵錢。」她再強調自己有瓦遮頭，食得飽亦着得暖，「不過，喺慳得一蚊得一蚊原則下，即使續咗車保都決定賣車，應使得使應慳得慳嘛。」至於會否全面重返幕前？她表示要睇機會：「因為高學歷識演戲、後生靚女太多，競爭太大，我反而想學以致用。」

歐倩怡婚後不斷進修，已獲得營養學學位。

歐倩怡婚後不斷進修，已獲得學位。。

失婚後Cindy做過中醫診所營養師。