梁釗峰探訪尼泊爾偏遠山區 目擊高窪地區災民受難驚險場面
2024-10-10 21:55 
「C AllStar」成員梁釗峰今年6月底以樂施會大使身份，隨團出發到尼泊爾偏遠山區探訪一個星期，深入了解當地人民面對的生活困境，探訪地區包括位於Dadeldhura區的Parshuram。
相關閲讀：梁釗峰透過連載劇場推4首新歌 已移民前經理人突現身超感動眼濕濕
梁釗峰隨團出發到尼泊爾偏遠山區探訪：
梁釗峰憶述當時探訪住在高窪地區的災民，見到對方在高地的家園都洪水沖走，覺得情境十分恐怖，「如果嗰度都浸得，嗰度都咁誇張，嗰度成間屋都沖走嘅話，咁個洪水應該係極大，係極恐怖。」他表示：「我已經見過，佢哋洪水嚟嘅時候，係急得好緊要，有一個婦人秤住佢啱啱出世嘅小朋友就上咗屋頂，上屋頂嗰瞬間，下面已經浸曬，洪水嚟得好急、好嚴重」，釗峰說，該婦人被困屋頂廿多小時，才能脫險，場面十分驚險。釗峰續指，以前曾到訪非洲，一般只會面對旱災，但尼泊爾是會先後面對旱災和洪災「係辛苦上加辛苦」，惟當地人會團結起來、積極面對，更在樂施會協助下成立合作社和、災委員會，預定災害應對方案，亦會有種子銀行，會種植在極端天氣下生存得較好的植物，並儘早收割，「原來佢哋喺唔好嘅時候，係會選擇團結，係會選擇合作。」
梁釗峰呼籲大家關心災民
梁釗峰表示，尼泊爾災民會「自己幫返自己，係勁嘅」，他亦從中學習了，回港後已在自己的社區籌組飯局，「真係要有返啲人情味，同埋要有一啲bonding」，與互不相識的鄰居聚首一堂，互通區內消息，包括好吃的餐廳，值得支持的小店等，形容是一個「大突破」，希望可以讓大家都互助互愛，「我真係希望喺我個社區入面，成立一個屬於我建立出嚟嘅community。」梁釗峰又指，雖然尼泊爾災民面對的極端天氣，好像遠在他方，事不關己，但希望市民「唔好因為覺得都沒事、無嘢丫，照歌舞昇平，照開冷氣」，他強調「我覺得呢一邊損耗，地球嘅另一端係suffer緊」，希望大家可以走出去受災的地方看看，關心這一群受災的人，「我哋可能都市人營營役役，亦有好多問題要解決，面前有好多東西好似解唔通咁樣，但係可能我哋個視點闊咗，世界大咗，我哋好自然就會知道呢啲問題都唔係好大嘅問題，即係個心理會強大啲，心臟會強大啲，心理質素會好啲，對於我哋嚟講，都係好好嘅身心健康。」
梁釗峰報名參加毅行者
梁釗峰透露自己已經報名參加11月舉行的毅行者，將會與米路迪（米媽）和另外兩位朋友組隊跑40K，是他首次玩團體賽，亦是帶米媽「入坑」跑山的第一步，但他直言自己是等朋友carry。他續指，與「C AllStar」三位兄弟一起跑是難以實現的夢想，慨嘆若邀請何建曦（Jace）和吳崇銘（King）拒絕接受邀請，「如果我叫佢跑山，佢可能唔認我做兄弟囉嗰刻」，現時只能活在夢想中，「希望有一朝一天一齊跑」，但他透露，將會提醒三位兄弟「科水」支持，而粉絲「峰心粉」則已落足力，提供資源的配合。
梁釗峰談未來計劃
說到未來計劃，梁釗峰表示，有機會舉辦音樂會，亦會跑其他山賽，需要更多時間培訓。他又提到，有份參與的舞台劇《遺憾收藏館》落幕已接近半個月，他接受專訪時指，雖然距離落幕已近兩周，但仍患上嚴重的「show後抑鬱」，並與其他演員組成「遺憾小隊」，一起食tea、慶功排解「show後抑鬱」，並已「屈」身兼演員的編劇呂珮琳（Elsie），在下一次廣播劇／舞台劇再找他演出，否則是「對唔住個天」，更抽水指下一個作品會是「遺憾收皮館」，一反現時沉重的劇情，希望以歡樂為主。他續指，由排劇到落幕歷時約兩個月，他形容自己喊了十年的眼淚，「呢兩個月都係……如果講眼淚嚟講都好誇張」，他指自己不止代入角色，而是沉淪在角色中，被劇中的葉凱文「上身」：「我成日聽到人哋啲演員話抽離唔到，但我覺得我抽離得到，但問題係佢merge埋落我度，咁變咗我自己都躁底咗，我需要返番嚟，原來會咁樣影響到，係『戲劇初體驗』！」
梁釗峰與劇中演員擦出「火花」
梁釗峰透露日常駕車最能反映自己的躁底，需要重拾跑步訓練，讓情緒回復正常，「嚟緊毅行者，都要train下，多啲跑步，我好自然情緒會返番嚟，變返一個完整嘅梁釗峰。」他笑言，參加毅行者正好給予他機會重拾跑步的樂趣，令自己回復平靜。至於與劇中演員的火花，他提到，在現實中是獨子，劇中終於嚐到做大哥哥的滋味，與劇中妹妹雲浩影（Cloud）培養出如同真兄妹的感情，現時二人已以兄妹相稱，更擦出合作的「火花」，不時分享音樂；而佢與身兼編劇的另一演員呂珮琳（Elsie）的家人亦十分老友，不時互訴心事。梁釗峰特別提到，今次在朱栢謙執導下擔綱是夢想成真，「我以前唔認識佢嘅時候，我試過喺Instagram inbox佢話，你會唔會開班教學生？」，惟當時被對方拒絕，「嘩！呢個（劇）係朱栢謙做導演，我開心得要命，終於遇到佢嘅時候，我發覺原來他真係唔止導演，係一啲人生導師」，直言自己在短短兩個月內有很大得着，「我覺得係我2024其中一個highlight」，更形容朱謙與另一導演Matthew是「奶爸奶媽」，十分照顧演員，整套劇都十分有愛。
其他文章：
最新回應