Anson Lo電車拍廣告胸肌若隱若現 預告年尾推個人單曲 陪伴「神徒」歡度聖誕

盧瀚霆（Anson Lo）近日為化妝品牌拍攝廣告，他坦言每次拍攝都能帶來意想不到的有趣經歷，今次亦相當有驚喜，「平時拍攝大多數都係喺廠景進行，但係今次同平時好唔同，我第一次喺電車上進行拍攝，望著香港嘅夜景拍嘢。電車喺中環、灣仔、銅鑼灣遊走咗一個晚上，一路吹住晚風，一路喺高樓林立嘅市區穿梭，望住下面人來人往嘅街道，係一個久違嘅感覺，一個好浪漫、好放鬆嘅拍攝經驗。」最近，Anson Lo忙於宣傳MIRROR新歌及拍攝節目，盡管工作繁忙，Anson Lo於拍攝當日依然狀態大勇，披上一身黑色閃鑽Deep V西裝，若隱若現大騷胸肌，性感之餘盡顯紳士魅力！

Anson Lo近日為化妝品品牌拍攝廣告。

Anson Lo首次於電車上進行拍攝，直言是一種久違的浪漫感覺。

Anson Lo披上一身黑色閃鑽Deep V西裝，性感之餘盡顯紳士魅力！

Charm死人！

Anson Lo於拍攝當日依然狀態大勇。

阿Lo好開心。

Anson Lo身穿黑色閃鑽Deep V西裝，性感之餘盡顯紳士魅力！

Anson Lo今年音樂成績相當理想，目前已擁有兩首叱咤冠軍歌，最近於演唱會擔任嘉賓更獲網民大讚表現，而個人單曲《HEY HEY OK! 》受到一眾好評，Anson Lo坦言這首歌鼓勵大家突破自己之餘，其實亦是在提醒自己應不斷嘗試挑戰，「近年都開始踏入電影界，其實喺演藝上我都想試吓扮演一啲我未接觸過嘅角色，例如邪惡嘅反派角色，因為我好想窺探下呢啲角色嘅內心世界係點，可能會發掘到另一個我。至於係音樂嘅路上，我都好想試吓未試過曲風或者舞種，例如R&B同Country Pop，希望2025年能夠帶到唔同類型風格嘅作品俾大家。」

不過，Anson Lo其實已經密鑼緊鼓正準備下一首個人單曲作品贈予一眾粉絲們，「隨住《HEY HEY OK! 》推出之後，今年年尾我會推出2024年最後一首單曲作品，呢首歌係比較治癒性嘅歌曲，希望可以陪伴大家歡度聖誕！」