周國賢自認夠傻做喜劇啱晒 跟DJ阿檸 戴玉麒首演舞台劇丨獨家

商台DJ阿檸（薛晉寧）繼2019年《無法成長的我們》和2022年《無法誠實的我們》後，再自編自導自演舞台劇《無法承擔的我們Still Y》，更搵來周國賢（Endy）及戴玉麒（Yukki）齊挑戰喜劇。訪問當日要Endy及Yukki分飾瘋狂Fans和偶像，表現均入型入格。採訪：杜杜 攝影：朱偉彥 化妝:Theresa Chan 髮型:Eve Chiu(Endy)、Theresa Chan(阿檸&Yukki)

Endy、阿檸和Yukki首度合作，但好快熟絡。

Endy、阿檸和Yukki首度合作，但好快熟絡。

Endy、阿檸和Yukki首度合作，但好快熟絡。

阿檸第3度以「無法」為主題創作舞台劇，反映成長面對的課題，「嚟到30幾歲，面對承擔責任嘅問題。」搵Endy和Yukki，因兩人跟「堅哥」和「Bye Jacket」有共通點，「『堅哥』係好有膊頭咩都孭晒上身，仲有份硬頸，Endy畀我感覺都係有啲硬頸，而Yukki嘅偶像外表及對表演嘅堅持都似角色。」

2019年《無法成長的我們》，梁釗鋒和黃妍有份主演。

2022年《無法誠實的我們》，阿檸跟郭爾君有感情戲。

Endy即場扮癲狂Fans

Endy演的「堅哥」為擔起頭家，與阿檸經營出租膊頭的「膊頭哥」，他笑言聽到邀請已立即應承，「最近都冇乜點做劇場，對上兩次角色比較沉重，又要喊，今次鬧劇啲，觀眾比較少見我輕鬆啲搞笑啲，都想有耳目一新感覺，佢哋話我第1日排練唔出聲，企埋一二邊，𠵱家先知我傻傻哋，我係幾啱做喜劇。」而阿檸演的「謝博」，是個愛「卸膊」的人，但為了夢想就有份堅持，他笑言：「我同角色都幾唔似，因為我唔卸膊！」

Endy覺得「堅哥」角色好玩，開心終可演喜劇。

阿檸創作新劇，反映社會不同年紀有事要承擔的人。

Yukki首度正式演舞台劇，既緊張又興奮。

三人日前為《無法承擔》拍攝宣傳照。

Yukki飾演選秀節目《全民在sing》初代亞軍而爆紅的偶像，由於招牌動作是除外套拋落台，因而被尊稱「Bye Jacket」老師，他即場示範招牌動作時，兩個拍檔即主動扮演狂迷，Endy特別投入，難得一見佢玩到癲，好搞笑。2019年浸大電影學院表演系畢業的Yukki，原來曾報名參加《全民造星V》，「屋企人幫我報名，可惜我去咗外地工作，參加唔到面試，都覺得幾可惜㗎！」

Endy扮瘋狂粉絲夠晒癲，但Yukki都忍到笑。

Endy和阿檸扮瘋狂粉絲夠晒癲，但Yukki都忍到笑。