40歲羅啟豪獲讚靚仔好怕醜：有啲尷尬 搞Fans活動支持社企回饋社會丨獨家
2024-10-04 06:00 
日前羅啟豪跟80位「豪殼」(fans)於社企餐廳聚會，又試戴贊助商為他設計的眼鏡，啟豪擺晒chok甫士，fans好開心狂呼好靚仔。對於《中音3》展開，他坦言要加把勁，努力爭取更多曝光加強競爭力。採訪：方騫平
當日社企餐廳內擠滿羅啟豪嘅fans，相當熱鬧，由於被讚好靚仔，好怕醜嘅啟豪笑說：「我唔係靚仔，聽到佢哋咁讚我都會有啲尷尬㗎，不過，見佢哋咁熱情，感受到嗰份愛，真係信心多咗。」
跟fans組義工隊
羅啟豪強調唔會同fans拍拖：「我會感激佢哋咁欣賞我，但要分清楚大家崗位，我會用歌聲去答謝佢哋嘅支持，都希望佢哋係鍾意我嘅音樂，加上𠵱家咁忙都冇時間拍拖啦。」啟豪希望跟fans用愛嚟回饋社會，支持本地有心嘅社企，為弱勢社群創造和提供就業機會，所以過去的中秋節，啟豪從10間傷殘人士、自閉症、婦女、銀齡族等社企中選出10款唔同產品，組合成「十式社企迎中秋」禮物籃去做善事，亦打算跟fans組義工隊做慈善探訪。
提到《中音3》經已殺到，「中一生」啟豪承認時間嚟得太快，雖然唔覺壓力逼近，但40歲的他坦言會加快腳步：「因為我比較遲入行，要喺最短時間內做最多嘢畀到觀眾，𠵱家會出多啲歌，搞下歌迷聚會去爭取曝光率。」
最新回應