胡美儀望全民認識情緒懂得減壓 舉行善慈畫展捐出15張自家畫作義賣
2024-10-03 20:15 
68歲胡美儀中年轉型，由藝人變成心理治療師，並應傲楹藝術教育慈善基金邀請由𠵱家至7日在會展中心舉行慈善畫展，捐出15張親自繪畫的情緒畫作義賣，目標為傲楹藝術教育慈善基金籌20萬善款，當中包括畫出自己及老公毛俊輝的人生舞台。今日毛SIR都有現身撐場，也有善長率先買畫。
胡美儀坦言自己也有心結，因為人生較為複雜，出生3個月已被父母遺棄，童年缺失，長大後會拒絕快樂，直至修讀心理輔導及詮釋學後才能解開疑慮，𠵱家人生充滿色彩及希望，也希望能夠幫到人。提到她曾鼓勵性上癮嘅鄭梓浩做輔導，胡美儀解釋：「其實每個人有啲嘢發生咗，都係值得去關懷，鼓勵佢點樣做，可以令到自己舒服啲，而唔係只局限鼓勵某一個人。」美儀姐明白現今社會人人壓力都大，即使讀書都會有壓力，所以最好全民皆兵去了解及認識情緒，過往講座講解「認識人嘅50種情緒」，如果唔太了解，好容易觸碰到神經線，變得生氣甚至憤怒及暴力，被情緒挖制容易造成不必要後果，她說：「唔止圈中人，如果有需要嘅人都可以搵我，我個心打開向社會大眾。」另外，她還打算和專業人士合作，將50種情緒唱出嚟畀唔同階層嘅人士分享。
最新回應