鄭梓浩被中學同學供舊照爆媾女𤓓史 揭Grace富貴身份前夫是著名電影特技大師丨獨家

55歲「中二生」鄭梓浩（原名鄭家駒）被《頭條娛樂》獨家連環踢爆偷食醜聞，男方被揭「世紀賤男」真身後10日發布千字文否認指控，更搵位爆前女友Grace曾以第三者身份拆散人哋家庭玩攬炒。本報接獲Grace及鄭梓浩的中學同學Y，提供兩人中學生舊照兼爆料，先爆男方中學花名「大口狗」，再踢爆他千字文講舊史內容冇句真；更同時揭露Grace有能力以過百萬助「軟飯王」追夢兼包養對方一家，全因前夫相當猛料，就是為超過200多部電影擔任特技指導，跟成龍合作無間，入行近40年的著名電影特技大師羅禮賢，非常精彩。採訪：曾盻堅

鄭梓浩和Grace於2017年重逢後再相戀7年。

兩人曾現身TVB。

Grace陪鄭家家人睇Brian演出的《紅白》騷。

Grace早已融入鄭家。

鄭梓浩女友Grace挺身向本刊撕破鄭梓浩嘅假面具。

Brian前女友Grace有啲錢。

GRACE請去旅行坐商務。

鄭梓浩嘅鐵粉都接受埋Grace。

兩人經常孖住去旅行。

Brian、Grace重逢後曾恩愛過3年。

Grace請埋Brian和Brian兩子去旅行。

中學生時期的鄭梓浩被同學改花名做「大口狗」。

學生妹鄧麗兒(Grace)面尖尖，五官好清秀。

少女時代的Grace已好識打扮。

鄭梓浩出聲明反擊Grace「渣男」指控。

中學生時期的鄭梓浩一臉招積唔多討好。

肥媽藐視鄭梓浩。

日前再開LIVE點名鬧爆鄭梓浩係世紀賤男。

肥媽唔鍾意鄭梓浩。

鄭梓浩曾和孫耀威人妻妹妹有過短暫交往。

肥媽不滿鄭梓浩影響到幾個家庭。

孫美賢曾發聲明和鄭梓浩劃清界線。

約炮到麗晶酒店。

DaDa對鄭梓浩嘅情慾對話流出。

鄭梓浩、孫耀威胞妹DaDa元朗炮房租約。

相約在元朗炮房短聚。

DaDa和鄭梓浩有感情及錢銀瓜葛。

肥媽眼中DADA唔算不男不女似阿婆。

DADA已獲老公原諒。

Grace跟鄭梓浩大仔好老友。

鄭梓浩大仔認識爸爸嘅佛山「小三」。

鄭梓浩收埋「小三」喺佛山。

55歲鄭梓浩誓要再追夢。

鄭梓浩參加《中年好聲音2》11強止步。

鄭梓浩愛發明星夢。

跟黃劍文都有支持者。

節目中曾跟吳大強對唱。

鄭梓浩被前女友Grace力斥「食軟飯」長達7年，期間又搭上內地「小三」，及被孫耀威人妻妹妹孫美賢(DaDa)包養，《中年好聲音》系列評判肥媽，接受本報訪問時已懶理通完波仔狂鬧對方，周二晚於網上繼續鬧：「女人邊個唔憎世紀賤男？女人俾人呃感情好大件事！仲要影響到幾家人，咁自私嘅男人。」慘成過街老鼠的鄭梓浩作垂死掙扎，努力於粉絲群組安撫所剩無幾的忠粉；又發布1400字聲明詭辯偷食風波，劈頭已反咬Grace：「與Grace女士中學相識，但並非初戀，當年從她口中得知，她當時以第三者身份插足他人家庭及後並懷有身孕，我即果斷分手！」

為追Grace搵人圍情敵

沉澱中的Grace至截稿前未有回應鄭梓浩的反擊，反而Grace的元朗商會中學舊同學Y就睇唔過眼，向本報披露事件真相，她稱由84年開始跟Grace齊讀中一至完成中學階段，力證對方求學時期冇大過肚，更指當年鄭家駒(即鄭梓浩原名)是被分手！同學Y說：「Grace中文名叫鄧麗兒，中學時期屬品學兼優生，身材豐滿又高佻，仲有條殺食長腿，講嘢嗲嗲地是校內女神，加上夠活躍深受男同學歡迎，鄭家駒係其中一個追求者。」Y透露Grace本有男朋友，「鄭家駒死纏爛打，試過Call 10幾名友人等情敵放學，點知情敵召來30幾人反招呼佢哋，嚇到『鄭家駒團隊』敗走，一段時間後鄭家駒追到Grace，不過拍拖唔夠1年被分手，佢傷心到喺學校喊爆，後來轉軚追咗同學阿寶。」

羅禮賢曾拍攝《警察故事III之超級警察》及《霹靂火》，跟成龍合作無間。

羅禮賢擁有特技團隊。

Grace前夫大有來頭。

超過200多部電影由羅禮賢擔任特技指導。

Grace入咗45萬畀鄭家駒(鄭梓浩)追夢及找卡數。

櫃員機又過數5萬。

鄭梓浩90年代入行做歌手。

鄭梓浩(Brian)當年跟彭家麗、莫文蔚及鄭嘉穎等好老友。

左起: 王菲、李家明、鄒靜、劉彩玉及鄭梓浩(Brian)曾經是新藝寶歌手。

和兩子攝於紐西蘭。

離婚前嘅鄭梓浩。

廣播劇《十八樓C座》「祥嫂」朱雪梅（左2）是鄭梓浩的表姑媽。

鄭梓浩厚住面皮繼續喺抖音開live。

裝作若無其事發圖賀中秋。

鄭梓浩出po慶祝國慶。

近日鄭梓浩不停上載寫意玩狗相。

鄭梓浩花名「大口狗」

從舊相片中所見，少女期Grace樣子清秀，在舊同學眼中Grace跟鄭家駒是美女與野獸，非常唔襯：「鄭家駒讀書成績差又冇品，被信義中學踢出校，之後靠鄉親爸爸關係轉讀band 1嘅商會中學。」同學Y表示鄭家駒喺學校唔起眼：「佢咁矮細，個口又大，同學仔改佢花名做『大口狗』…佢只顧打籃球、媾女及發明星夢，最出名係年年留班，讀到初中經已離校。」同學Y又指鄭家駒寸寸貢專玩作對，成日將跌喺面前嘅籃球踢走，又唔會執波：「佢好唔合群，個格衰到冇朋友，同學唔鍾意佢傾偈。」

力證Grace讀書冇懷孕

多年來一班同學已跟鄭家駒冇聯絡，直至最近爆出偷食事件，同學間先醒起有呢個人，更戥Grace被食完唱不值：「因為我哋個個都知道Grace讀完中學後去咗讀秘書課程，所謂嘅『當年從她口中得知她當時以第三者身份插足他人家庭及後並懷有身孕，我即果斷分手！』跟事實不符。Y又指Grace進修後入咗電影公司做秘書，「之後識咗已婚特技人羅禮賢，後來Grace懷孕，羅禮賢為Grace離婚，之後同Grace再婚，羅生仲送咗屯門一間酒樓做結婚禮物，但已賣盤及轉手，多年來羅禮賢一直照顧Grace兩母子生活，所以Grace過住闊太生活，衣食無憂。」最後同學Y力斥鄭家駒係大話王，屈得就屈，蝦一個女人仔非常衰格。