羅家英指Edan惹女人讚公開追林明禎好聰明 黎燕珊首次湊孫好好玩鼓勵囡囡再生B

羅家英、黎燕珊、張明敏及謝雪心等今日（2日）出席《慶祝中華人民共和國成立75周年國慶暨中國文化藝術傳承協會 第一屆董事就職典禮》，為該會擔任顧問的羅家英，透露12月5日與50多位粵劇演員到馬來西亞演出，當中大部份是八和會館成員，亦有一位國寶級演員曉毅參與，不過太太汪明荃不會同行。

羅家英、黎燕珊、張明敏及謝雪心等今日出席《慶祝中華人民共和國成立75周年國慶暨中國文化藝術傳承協會 第一屆董事就職典禮》

9月22日是羅家英的78歲生日，他笑言分開幾次跟朋友慶祝，但太太沒有送禮物。他笑說：「佢話恭喜你生日快樂咁樣囉！幾簡單，但唔需要禮物，費事傷腦筋。」提到早前接受好友汪曼玲的YouTube訪問，重提當年患癌經過，並透露當時進食價值6萬幾元補身藥。他說：「食咗一次就冇，6萬幾元唔值囉！（可有保健方法？）我覺得心理，要開心唔好有壓力！但係要工作，當完成工作好開心，雖然工作有壓力，好似之前我寫《大鼻子情聖》好辛苦，寫完都病咗，嗰種壓力都好大。」

家英哥笑言阿姐冇送生日禮物畀佢

家英哥指只要開心就唔會咁易有病

提到MIRROR成員呂爵安（Edan）公開承認力追大馬女神林明禎，羅家英笑說：「我有同佢講佢好惹女人。（男人呢？）都惹，佢唔鍾意另一回事。」談到Edan能否成功追求林明禎，家英哥笑說：「好難講！（50％機會率？）四四、六六啦！（有冇請教你追女仔？）冇呀！我有叫佢小心，要搵一個啱自己嘅女仔。（Edan公開追求林明禎，有冇絕招教路？）咁樣講好呀！等第二個唔敢去追。（MIRROR隊友笑他追唔到？）話追唔到，都要追，好似我追阿姐咁，要有耐性同顯示長處同優點，同時要睇對方性格，有時唔好太遷就對方。」家英哥又大讚大馬女生很純品，亦會祝福Edan好運。

家英哥教EDAN追女仔要有耐性

家英哥笑言EDAN一直好惹女人

家英哥一講EDAN好開心

家英哥又大讚大馬女生很純品，亦會祝福Edan好運。

笑問阿姐夠不夠純？家英哥笑說：「我馴服咗佢啫！」而擔任活動司儀的黎燕珊，對於女兒劉詠詩（Wynce）早前誕下囡囡，首度榮升外婆的她，笑言送贈金鍊給孫女，就連女兒三十年前獲親友所送贈的吊墜也交給對方，又爆孫女好黐身，所以乳名叫「麥芽糖小公主」，英文名則為Eleana。談到湊孫女可會覺得辛苦，她笑言30年後再經歷湊小孩並不簡單，女兒在家中坐月，加上陪月員並非24小時照顧，所以要幫忙，不過辛苦湊孫女也覺得很值得。談到可會掛住湊孫女會少拍劇，她說：「唔會，我湊完啦！回復單身。（覺得湊孫女如何？）我覺得自己有95分，我真係鍾意小朋友，有鼓勵囡囡再生，叫佢醒目啲一次過，我唔知5年後有冇體力照顧，覺得女兒生多個小孩可以做個伴。（可想囝囝快生B？）佢依家26歲，男仔要事業為重。」

黎燕珊爆孫女好黐身，所以乳名叫「麥芽糖小公主」

黎燕珊好鍾意小朋友，有鼓勵囡囡再生