企業強人丨譚俊彥張曦雯3秒床戲網民不收貨 男友似劇情鍾意被虐有得留低 自爆自薦參演《新聞女王2》沒回覆
2024-09-20 22:15 
陳豪、譚俊彥、張曦雯、龔嘉欣及姜大衛等今日（20日）到新蒲崗Mikiki出席TVB新劇《企業強人》宣傳活動，
譚俊彥與張曦雯在劇中的床戲只得3秒，網民不收貨，兩人之後會否有更激畫面，張曦雯直言無：「多數情侣一開始係最激，之後細水長流。」譚俊彥則指這場戲效果唯美，對於張曦雯說最喜歡場口是他在床上半裸上身，他表示甚少在鏡頭前赤裸上身，透露之後是虐心劇情，兩人互相傷害，張曦雯笑說：「一個鍾意虐待人同一個鍾意畀人虐待，我會傷透佢嘅心，女人有時係咁，我就係咁，我男友咁多年都唔走，就畀佢留低。」譚俊彥預告稍後劇情會被張曦雯搞到癲，角色似自己後生時：「愛情上會變番後生仔感覺，好似以前嘅我。」現實中譚俊彥與太太非常恩愛，稍後北京宣傳該劇，適逢太太生日，會趕回來為她慶祝。
劇中張曦雯演女主播獲讚演技，她開心地表示因之前做過明珠台所以有主持腔，自爆曾自薦參演《新聞女王2》，但最後沒回覆。
最新回應