林寶玉美容店疑遭員工「落格」 損失約6位數：已報警處理 IG上載黑衣女同事奪門逃跑片段
2024-09-07 14:49 
有「最索經理人」之稱的林寶玉（Connie）去年在尖沙咀開設美容店「寶玉堂」，提供美容服務外更販售各種名牌，不過林寶玉今日（7日）在IG上傳了一段標題為「我們名牌店的不幸事」影片，表示有同事落格被揭發後馬上逃跑，片中聽到有一人表示「報警、而家報」，但另一名全黑打扮的長髮女這時正想離開該店舖，但就被另一名女員工制止，而這時黑衫女子突然發爛奪門而出，而兩名女員工亦即時追出。
《星島頭條》致電林寶玉了解事件，她指因發現公司每月的數越來越低，所以調查了個多月，發現近半年的數真的有問題，除此之外，很多公司文件及客戶資料亦突然消失及沒有紀錄，故懷疑有人用了她的平台做私幫生意，而掌握很多證據之後便跟該前同事對質，而對方亦承認自己落格，林寶玉指今次事件令她公司損失了約6位數：「佢偷咗我哋啲貨再私下攞出去賣畀我哋嘅客，呢件事好嚴重，我哋亦已經報咗警交俾警方處理，因為有客私訊問過我哋，所以我哋都以防萬一通知大家，我想澄清嘅係呢位前同事嘅事情與我哋無關，如果佢私下做嘅嘢會影響公司嘅話，我哋都會追究。」
最新回應