直擊秦煌護老院生活雙腳腫晒仍好胃口 內地女友唔願畀錢來港探望被逼分開丨獨家

2024-09-04 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      直擊秦煌護老院生活雙腳腫晒但好胃口 內地女友唔願畀錢來港探望被逼分開。
      直擊秦煌護老院生活雙腳腫晒但好胃口 內地女友唔願畀錢來港探望被逼分開。

      76歲行動不便的秦煌獨居無依,今年3月在青衣酒店房跌倒送院,之後安排入住護老院。秦煌形容在護老院的3個月生活因禍得福,事關獲社福機構每月給予$11,000住院生活津貼,另有$4,000綜援,三餐不愁,唔使急於抱病開工「撲水」,坦言安樂哂。《星島頭條》記者於晚飯時段探望煌哥,雖然雙腳腫晒,但胃口唔錯,掃清時菜肉片飯,但本來笑笑口的他,講起久未見面的內地情人Mary即一臉無奈:「過去式喇。」採訪:方騫平 攝影:譚志光

      瘦咗的秦煌精神爽利。
      瘦咗的秦煌精神爽利。
      所住嘅大房算係乾淨企理。
      所住嘅大房算係乾淨企理。
      護老院職員照顧周到。
      護老院職員照顧周到。
      煌哥幾好精神。
      煌哥幾好精神。
      秦煌唔覺人生失敗。
      秦煌唔覺人生失敗。

      近300磅的秦煌送院後發現有貧血、營養不良,而且多處機能循環唔好導致雙腳浮腫,目前每周被安排去醫院做物理治療。另外,12年前在劇集《法網狙擊》跟他結緣的陳煒,亦慷慨出錢安排按摩師每周上門。

      12年前陳煒在劇集《法網狙擊》跟煌哥結緣。
      12年前陳煒在劇集《法網狙擊》跟煌哥結緣。
      76歲行動不便的秦煌曾獨居青衣一所酒店。
      76歲行動不便的秦煌曾獨居青衣一所酒店。
      慶得鄰居林偉照顧。
      慶得鄰居林偉照顧。
      煌哥體重高峰期接近300磅。
      煌哥體重高峰期接近300磅。

      雙腳腫如「裹蒸糉」

      煌哥要全天候着尿片,隔日會有職員幫他沖涼,由於要方便坐輪椅的院友上落床,所以住在只得布簾分隔的大房,不過每朝起身後,他會被推往所屬的私人空間開飯及睇電視。煌哥稱已習慣老人院生活,對於院舍膳食質素及照顧安排,亦好滿意。《頭條日報》記者探望煌哥當日正值晚飯時間,他掃清時菜肉片飯,食得津津有味並滿足地說:「入院初期戒飯,故落咗60磅,肚腩都細埋,𠵱家唔敢太瘦會食返一碗細飯,有返飯氣面色都好啲。」不過,他稱就算瘦咗都要着10XL褲頭。講到身體狀況,煌哥形容都ok:「右腳好有力,左腳就差咗少少,可以扶住企起身再扶住行兩步,但我好驚,冇乜信心行得耐。」記者見到著咗鞋的煌哥,雙腳腫到似「裹蒸糭」,右邊小腿又包咗紗布,他解釋是久久未癒的小傷口:「職員好緊張,會幫我包好傷口。」

      煌哥食時菜肉片及白飯,都算有胃口。
      煌哥食時菜肉片及白飯,都算有胃口。
      煌哥唔使靠人,「呀」一聲後,一口氣扶住枱面企起身。
      煌哥唔使靠人,「呀」一聲後,一口氣扶住枱面企起身。
      煌哥對跟Mary嘅往事答得黯然。
      煌哥對跟Mary嘅往事答得黯然。
      煌哥喺所屬的私人空間,邊食飯邊睇電視。
      煌哥喺所屬的私人空間,邊食飯邊睇電視。
      當晚煌哥食時菜肉片及白飯。
      當晚煌哥食時菜肉片及白飯。
      秦煌有自得其樂空間。
      秦煌有自得其樂空間。
      右腳因為有小傷口被紗布包住,雙腳腫如「裹蒸糉」。
      右腳因為有小傷口被紗布包住,雙腳腫如「裹蒸糉」。

      欠60萬咭數預破產

      說到經濟狀況,煌哥獲社福機構每月給予$11000住院生活津貼,另有$4000綜援,每月「出糧」日子就最興奮,會叫朋友推他落街撳錢及買零食:「呢度5點晚飯,要買定杯麵做宵夜。」煌哥坦言得到社會保障,總算唔愁生活:「以前我唔識㗎,係跌倒後社工幫我申請,所以𠵱家唔急於返出嚟做嘢,如果啲老友唔介意我坐住輪椅去開工,只能行得嗰兩步,咁我都唔介意畀人睇下我個樣,唔好唔記得我。」他透露跟《愛回家之開心速遞》劇組好老友,「佢哋曾提出如果我狀態好又行得,叫我去玩下。」

      出事前,煌哥獲劉偉強邀請到內地拍電影《北京水餃皇后》。
      出事前,煌哥獲劉偉強邀請到內地拍電影《北京水餃皇后》。
      1983年,煌哥在劇集《射雕英雄傳》中飾演「周伯通」最經典。
      1983年,煌哥在劇集《射雕英雄傳》中飾演「周伯通」最經典。

      提到幫已失去聯絡的大女還債,搞到要套現3層樓及耗盡300萬現金,煌哥後悔至今,「因為冇問原因,還累到自己簽落60萬咭數做生活費。」周身債無力償還,他亦有破產的心理準備:「銀行有追我數㗎,但追追下都唔追,追到攰冇心機啦!我都還唔起…不過,我都70幾歲唔介意破產,反正有食有住仲有零用錢,如果銀行強制我破產仲可以慳返萬幾蚊律師費。」一無所有的煌哥唔覺得失敗:「唔係失敗,只不過經歷過沙士、疫情等,係環境所造成,再加上被親人拖累。哈!係命運問題。」

      煌哥跟已故商台DJ莫佩雯夫妻關係極差。
      煌哥跟已故商台DJ莫佩雯夫妻關係極差。

      唔想Mary嘥錢探佢

      目前煌哥最唔放心就係跟咗佢20幾年,較他年輕30歲的內地情人Mary:「叫佢落嚟探我,包佢食住要畀成皮嘢,佢唔捨得畀,我又唔想佢畀…」煌哥有感而發:「已經係過去嘅事,我要照顧自己先,(同Mary已成過去式?)可以咁講,但我冇怪佢,係我冇搵佢。」他指當年20歲的Mary幫他煮飯做家務,覺得做完就係佢嘅人:「直至佢36歲,話『女人責任一定要生一個』,當時係我話唔可以同佢生,建議佢搵人生,生完由我養,兩母女搬返嚟深圳同我一齊住。」煌哥直言唔介意Mary跟他之後,還跟其他男人有性關係:「咁佢返嚟後同我一齊住都冇走過,從一而終,如果Mary因為想生仔,我唔肯配合要求分手,我諗做人唔應該咁。」煌哥早年已送咗湖南樓畀Mary兩母女,目前女方有車有樓,煌哥答得黯然,「久不久會諗起,但俱往矣。」

      曾跟梁朝偉及已故翁美玲拍劇集《挑戰》。
      曾跟梁朝偉及已故翁美玲拍劇集《挑戰》。
      2020年煌哥曾在電視城跌親。
      2020年煌哥曾在電視城跌親。
      秦煌多次進出醫院。
      秦煌多次進出醫院。
      和陳玉蓮合作《神雕俠侶》。
      和陳玉蓮合作《神雕俠侶》。
      2019年葉念琛導演與劉嘉玲、劉江及秦煌拍電影《我的情敵女婿》。
      2019年葉念琛導演與劉嘉玲、劉江及秦煌拍電影《我的情敵女婿》。
      秦煌、王晶與鄭則仕係三大「巨無霸」。
      秦煌、王晶與鄭則仕係三大「巨無霸」。
      跟當年小生苖僑偉拍《播音人》。
      跟當年小生苖僑偉拍《播音人》。
      歐陽震華、秦煌、吳鎮宇、李婉華拍《卡拉屋企》。
      歐陽震華、秦煌、吳鎮宇、李婉華拍《卡拉屋企》。
      2003年秦煌跟宣萱、陳秀珠拍劇集《戇夫成龍》。
      2003年秦煌跟宣萱、陳秀珠拍劇集《戇夫成龍》。
      2008年秦煌在《超過無敵獎門人》節目中和孫慧雪玩「呼拉圈」。
      2008年秦煌在《超過無敵獎門人》節目中和孫慧雪玩「呼拉圈」。
      秦煌曾不慎失足墮海重傷昏迷,甦醒後在醫院見傳媒。
      秦煌曾不慎失足墮海重傷昏迷,甦醒後在醫院見傳媒。

       

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策