國家隊訪港｜「6金王」馬龍玩到盡掀高潮 陳夢「親手」教fans打波

國家隊運動員周六早上兵分兩路，全紅嬋在維園跳水館搶晒鏡，乒乓球「6金王」馬龍在新伊館亦掀起高潮。

乒乓、羽毛球、體操等運動員在新伊館進行表演。奧運共得6面金牌的馬龍，成為焦點之星。

他在表演環節，非常親民，盡情表演。先與香港第一號男單黃鎮廷對打，又用白板，又不停玩反手，最後跨出圍板，同黃鎮廷幾乎調轉方向對打，真正玩到盡。

之後有一位從未打過乒乓球的女現場觀眾，得到機會落場，由女單金牌得主陳夢親自執手教打波，同馬龍搓波。兩位金牌名將態度親切，惹人好感。

這個表演環節，由香港乒乓球隊總教練李靜做司儀。靜哥發揮「金句王」本色，大搞氣氛，有做金牌司儀潛質。

 

記者：陸永鴻
攝影：陳浩元