呂良偉內地拍戲被索女纏上靠絕招保平安 公開夫妻零嗌交秘訣勿被老婆睇唔起丨獨家

67歲「不老男神」呂良偉坐擁數十億身家，近年努力研習氣功，不時在網上分享回春心得，造福人群。雖然結婚23年，但仍獲唔少內地進擊索女「約食飯」，睇得好透的呂哥唔會畀任何機會，火速落閘，又讚老婆越嚟越靚，仲話唔值得為「執一粒芝麻冇咗個西瓜。」另外，有情有義的呂哥罕談已故舊愛周海媚：「我哋有緣冇份，但有好多美麗回憶。」採訪：方騫平 攝影：朱偉彥 場地：The Market@Hotel ICON

呂哥話自己唔係富，只係知足常樂。

呂良偉自我研發抗衰老的簡單養生功夫，練到手瓜起𦟌。

好有線條。

Keep住身形嘅呂哥會揀食啲好西。

有能力嘅呂哥經常行善。

呂哥冇諗過退休。

1980年，呂良偉以劇集《上海灘》「丁力」一角一炮而紅；1991年的電影《跛豪》亦成為代表作。雖然在演藝界早已上神枱，他呂哥仍自我研發抗衰老的簡單養生課程，將30年來學習的武功結合氣功創作出獨門功夫，開班授課：「練精、氣、神主要係針對五臟六腑，內練一口氣外練筋骨皮，係內外兼收，而且由基礎開始，男女啱用。」阿呂爆老婆練咗4年，瘦咗又靚咗，變得精神飽滿；甚至有不育嘅女仕練完，生咗一子一女。

1980年呂良偉、劉丹、周潤發主演嘅經典電視劇《上海灘》。

1991年，呂良偉為演出電影《跛豪》增肥60磅 。

呂良偉認為健康比財富重要，不時教導簡單養生法。

呂哥內練一口氣外練筋骨皮，係內外兼收。

呂哥仍自我研發抗衰老的簡單養生課程。

呂哥將30年來學習的武功結合氣功創作出獨門功夫。

獨門功夫簡單易學。

67歲呂哥身手敏捷。

呂哥係不老男神。

呂哥最近愛上騎馬。

67歲中佬呂良偉身形fit到漏。

呂太越來越靚。

楊小娟變索人妻。

楊小娟變得有高貴氣質。

楊小娟回春有術。

澄清唔係「百億駙馬」

呂哥經歷過3段婚姻，「後生唔成熟，都幾自我及大男人，𠵱家明白一個家庭會以愛行先，乜都老婆話事，佢開心咪得囉，咁家庭會幸福及和諧啲，我同小娟結咗婚23年冇乜嗌交，我有個『85/15』定律，一個家庭85%責任由男人承擔，由太太管理財政；事無大小聽佢意見。」對於被指「百億駙馬」，當年靠老婆大翻身，呂哥理直氣壯澄清：「啲人唔識我覺得係啫！佢(老婆)係多(錢)，但我都唔少呀！哈...我個心知，人哋點講係人哋嘅事，我冇辦法阻止人哋把口及思想，只能做好自己。」呂哥強調心態好強大，唔使老婆安慰：「因為我做緊乜，有冇使佢錢，佢同個仔係知㗎嘛！我個仔仲話『爹哋搵錢畀屋企；媽咪搵嘅錢係媽咪嘅。』男人個價值係乜呀？如果冇辦法為屋企創立到財富，個女人都睇你唔起啦，係咪？」他又乘機解釋，1997年曾被拖車係遭細佬拖累：「細佬用公司印章出車，我根本唔知情，連部車都未見過，及後已清晒尾數。」

2001年呂哥於法國娶楊小娟，賢妻全力支持老公的事業。

當時婚禮好豪華。

2001年呂哥於法國娶楊小娟。

呂良偉係周海媚初戀男友，拍拖3年後於1988年在美國登記「秘婚」。

呂良偉和首任妻子鄺美雲再見亦是朋友。

呂哥夫婦家住半山豪宅，中式豪宅內放滿名畫及古董傢俬。

入門玄關位就設有古董雕花屏風。

呂良偉與楊小娟家中佈置豪華。

飯廳空間十分闊落，大宴親朋完全沒問題！

屋內設有屏風、木雕、青花瓷等等，充滿古典味。

半山家中的俯瞰中環的雨中美景。

劉嘉玲到呂良偉及楊小娟家中作客。

呂良偉太太和客人在家中名畫前合照。

范冰冰到呂良偉及楊小娟家中作客。

執粒芝麻冇咗個西瓜

有錢又有面，呂哥直言在內地拍戲常遇誘惑：「呢啲事經常出現，自己知自己咩身分(人夫)，會守住本份，北上拍戲會帶埋兩個助手，遠離劇組住另一邊，收工就返房。」他認為畀機會人係自己嘅事，絕對唔係單向：「對方唔係傻，都會感受得到。」他自爆曾有索女約「食飯」，為打圓場裝作聽唔明，全面落閘：「話好多嘢做，唔得閒」呂哥認真說：「就算佢好索又如何呢？唔關我事喎，我唔係細路，會識得衡量家庭重要定去玩重要啲，值唔值得『執一粒芝麻冇咗個西瓜』，貪一時之快惹一身蟻咪好傻囉，更何況我老婆都好靚，而且越嚟越靚。娶個老婆係希望佢幾時都咁開心、幸福及有自信。」呂哥坦言曾有思想出軌時候，但保證唔會有行動，唔想老婆受傷害。

兩夫婦恩愛舉動羨煞旁人。

呂良偉、楊小娟甜蜜拖手。

婚後呂哥都會送花𠱁老婆。

兩公婆好Sweet。

兩公婆形影不離。

兩公婆常放閃。

呂良偉、楊小娟結咗婚23年冇乜嗌交。

好幸福呀。

兩人用愛維持家庭。

呂哥畀老婆話晒事。

呂哥向老婆保證唔會出軌。

兩人互相尊重來維繫婚姻。

呂哥以老婆開心有自信為大前題。

兩人經常拍拖四圍去。

好想做導演拍另類嘢

呂哥罕談已故舊愛周海媚，指兩人有好多經歷及美好回憶。「當年我哋相處得好開心，我冇做過傷害對方嘅事，只係後生時性格自我唔肯相讓，變咗大家有緣冇份，及後見返面都有傾有講，我個心好錫佢，佢係一個幾乖幾純嘅女仔，亦係嗰段時間嘅最愛。」另外，呂哥堅持字典中冇退休二字：「咩叫唔使撈呀？就算有千億身家都要做，要有存在價值，有時間有能力就多做善事。(有咩仲想做？)我未做過導演，希望有機會拍另類題材，講下人性，而我只係演一個小角色，主力培育新人，香港有好多好演員，如《九龍城寨之圍城》『城寨四子』，見佢哋好搏，做演員一定要拼搏精神；仲有黃子華喺《毒舌大狀》表現都唔錯。」熱愛工作的呂哥暫時唔會拍劇；可有可無嘅電影角色都唔考慮。

呂良偉兒子呂善揚轉眼經已21歲，𠵱家好生性又有善心。

呂哥兩公婆和21歲兒子(後左)去旅行。

呂善揚好孝順。

呂哥大讚「城寨4子」劉俊謙、林峯、張文傑及胡子彤夠出色。

呂哥曾拍過TVB劇《富貴門》。