大圍巴士迷企車頭走廊拍攝 辯稱「香港無肖像權喎」 車長勸喻不果報案求助

今日（8月27日）晚上8時許，一名82K九巴車長懷疑與兩名巴士迷爭執，當巴士駛至大圍街市巴士站對開時，車長報案求助。車長報稱駕駛期間，有兩名乘客站在車頭走廊附近拍片，擔心安危下遂叫二人坐下，然而兩人不從，於是報警。警員接報後到場調查。

有涉事巴士迷上載部份事發片段至社交網站，其中一則片段可見車長將巴士停泊在車站後，在司機位起身，要求拍片巴士迷坐好，「架車唔開啦，就係咁簡單。一係就坐定定」，又直言如果繼續拍攝就不開車。然而巴士迷反駁「你唔想做咪出聲囉」，又稱「香港無肖像權喎，唔好意思」，更不時夾雜笑聲。

涉事82K巴士線停泊在大圍街市巴士站，警員在場調停。是日快快巴士即日相FB

車長在司機位起身，要求拍片巴士迷坐好，惟勸喻不果。車cam L（香港群組）FB

有巴士迷聲稱車長「非法禁錮」。車cam L（香港群組）FB

有巴士迷聲稱車長「非法禁錮」。車cam L（香港群組）FB

今日有不少巴士迷拍攝涉事82K巴士。是日快快巴士即日相FB

另一片段則顯示，涉事巴士迷聲稱車長「非法禁錮」，又質疑「你唔過客你又唔畀人落車，想點先。你唔做唔緊要，你開門畀人落車呀嘛。你無權你唔係警察」。更有巴士迷更揚言要去向九巴人事部及運輸署投訴，「你想唔想運輸署列你做黑名單，以後唔可以揸任何嘢，返屋企揸兜呀」，期間車長未有任何回應。 

九巴回覆查詢時表示，今日晚上8時，九巴一輛路線82K巴士於大圍美田站開出，期間有乘客不斷在巴士車廂內走動拍攝。基於安全理由，車長盡責地多次出言勸喻，但對方未有理會，由於屢勸無效，巴士駛至大圍街市時，只能報警求助。

事件中警方接獲58歲姓黃男車長報案，到場後發現兩名分別13歲及14歲的男乘客，對車長的態度表示不滿，遂建議兩人如有必要可向巴士公司投訴。涉事的82K巴士最後暫停服務，乘客需轉乘其他巴士，警方列作滋擾案件，無人被捕。