魏浚笙與神秘人合唱再自資6位數出2首歌 私藏夾公仔竅門想開班或開舖 避談林明禎呂爵安認識經過 麗英開迷你騷場地未落實
2024-08-24 15:20 
魏浚笙（Jeffery）與麗英昨晚（23日）在黃竹坑出席商場騷，吸引數百粉絲圍觀，兩人獻唱歌曲外更與粉絲玩遊戲，而Jeffery在唱歌時更突然落台與粉絲握手。
近期忙於拍戲的Jeffery指現時有時間就會做訓練，因今次的動作與一般不同，就算基本功也要練好耐，又指身材已練到有點成果，問他下次是否打算以「真空」現身？他說：「真空最重要係有自信，我而家有4至6舊腹肌，下面兩舊若隱若現。」Jeffery又提到將會推出合唱歌，問到對方是誰，他只表示是男生，有頭髮和與他OK熟，但其他暫不便透露，又指之後會做兩首歌，預計投資6位數，雖然大出血，但亦感到開心。
對於近日在社交網中貼出自己在日本夾公仔的影片，Jeffery今日亦有帶同公仔來送給fans，他表示早前到當地玩了約6天，夾了10多隻公仔返港，笑謂自己有夾公仔的竅門：「唔可以灰心，有啲要夾20次，有啲可能好好彩一次過搞掂，咁當然我仲有啲獨門秘方，我打算遲啲開班，或者開間夾公仔舖。」另外，對於好友呂爵安與林明禎早前傳緋聞，Jeffery指有留意報道，問是否他介紹林明禎給呂爵安認識，他說：「作為藝人，除咗合作都會有朋友聚會，佢哋點認識我唔清楚。」至於當時是否也在聚會中？Jeffery就即時收口：「不必多講，費事由我講，新聞過咗好耐，都告一段落。」
同場的麗英首次獻唱新歌，她表示既緊張又興奮，又指之前曾與Jeffery合作，有一見如故的感覺，對於Jeffery將推出合唱歌，問麗英是否也想找對方合唱？她說：「有呢個諗法，如果邀請到佢更好，但詳細要再諗，都要再同佢女朋友傾。」她又指稍後會舉行迷你騷，雖然仍未落實場地，但直言無論場地大小也會有不同的感覺：「細場感覺好warm，大場搞感覺係又驚又興奮，好似做咗件大事，解鎖成就。」
最新回應