專欄│升級版維拉無懼槍手
2024-08-24 07:00 
英超第2輪賽事，阿士東維拉主場迎戰阿仙奴。
主隊維拉獲得今季歐聯資格，需要應付雙線作賽，領隊艾瑪利自前季頂替謝拉特執教球隊，戰績大幅提升。雖然今季將中場杜格拉斯路爾斯賣至祖雲達斯，但佢哋以破球隊轉會費嘅5,000萬英鎊，收購愛華頓中場阿馬度奧拿拿，並喺第1場嘅英超為球隊建功，以2:1作客贏韋斯咸； 加上向來打效率嘅維拉對上阿記亦有不少甜頭，上季聯賽「雙殺」對手，實力不容忽視。
而客隊阿仙奴上場2:0淨勝狼隊，憑着布卡約沙卡以及夏維斯各建一功，為球隊奠定勝局；今場將要作客到維拉公園，然而今季轉會窗槍手出手闊綽，購入後防卡拉費奧利，以及皇家蘇斯達來投嘅中場美連奴，不過相信領隊阿迪達，今場做法會相對保守，未必讓新球員正選上陣。佩芝
關鍵字
最新回應