藍奕邦出道20周年拒食老本堅持新創作 首赴台與4小鮮肉拍MV大騷妖味 到洛杉磯困獸鬥足兩日寫歌

藍奕邦去年底推出《漂漂亮亮地死去活來》後，小別香港樂壇近8個月，緊密籌備全新90年代house曲風《男孩子！》，為踏入20周年揭開音樂序章！新歌《男孩子！》是藍奕邦相隔12年後再度製作的舞曲，新作邀來曾為韓國女團2NE1成員李彩琳CL、美國男歌手John Legend及Neyo等合作的洛杉磯音樂人Jerry Lang II，夥拍經驗豐富的謝國維以及藍奕邦聯合監製，他說：「年頭我返咗溫哥華休息，忽發奇想叫住喺L.A.（洛杉磯）嘅堂妹，介紹啲相熟嘅新晉監製畀我識，佢因工作關係認識好多當地的監製同音樂人，反正廿年來都未試過自己出埠造歌，就係咁，我過咗去L.A.同Jerry困獸鬥咗兩日寫同編好《男孩子！》。」

新作邀來曾為韓國女團2NE1成員李彩琳CL、美國男歌手John Legend等合作的洛杉磯音樂人Jerry Lang II打造新歌。

藍奕邦新歌大玩90年代house曲風。

藍奕邦赴台與四小鮮肉拍MV：「台灣係熱過香港！」

藍奕邦出道20周年堅持新創作：「唔係食老本。」

藍奕邦首次赴台與四小鮮肉拍MV。

藍奕邦與「四子」鍾岳軒、陳威銘、劉大澄及阿元。

除首次出埠造歌，他更是首次出埠拍攝MV：「今次係小弟第一次喺香港以外地方拍MV。導演阿爛覺得我哋要拍嘅嘢，喺香港好難實行到，MV嘅角色亦都想有啲新鮮感，咁啱喺台北有在台港人幫到手。」MV的風格充滿江湖電影的味道，身為老大的藍奕邦帶同鍾岳軒、陳威銘、劉大澄及阿元四個「仔仔」到處去闖蕩，於台北街頭夾公仔、食冰、兜風，他更風騷坐出車外大騷妖味。「好似當年我拍電影《飛砂風中轉》咁，係江湖大佬，做嘢嗰陣好狠又好風流但又可以好溫柔，我覺得呢個感覺好正。」

「會有得意嘢發生」

藍奕邦笑謂已經出道20周年，於是為自己設立新的課題「我的歌單仲有咩歌未有呢？」，以此為創作核心寫新作：「呢首歌就係一個kick-off，想話畀大家知藍奕邦唔係食老本嘅，仲有新作品畀大家聽到，去到年底應該會有啲得意嘢發生，跟開藍奕邦嘅Fans應該會好開心嘅，不過就賣個關子先。希望大家聽《男孩子！》會開心啦，希望大家鍾意個MV，亦都會鍾意MV入面嘅四位男孩子。」