巴黎奧運·港隊賽程｜複製香港單車煉金傳奇 李思穎初戰奧運夠淡定

香港隊Day9有兩項賽事，唔少人期待嘅「小李慧詩」李思穎出場喇！以往極少香港運動員可以踩奧運公路賽，即使要完成都極唔容易。

巴黎奧運女子公路賽將於香港時間今晚8時上演，一人單屆連踩公路及場地賽的女將李思穎將登場。呢位港隊新icon今年不斷喺歐洲踩車，練習喺主集團走位生存技巧，希望初戰奧運可完成公路賽。

至於長遠，當然係同恩師達海飛複製李慧詩和沈金康嘅煉金傳奇。

李思穎同教練達海飛(中)

達海飛今年3月接沈金康任棒擔任總教練，即帶領李思穎、劉允祐兩新丁初戰奧運，佢哋6月先飛到巴黎西部布列塔尼（Brittany）集訓及適應時差，7月初到意大利參加「場地單車六日賽」及公路多日賽後，再返到距離巴黎選手村2小時火車車程嘅布列塔尼訓練基地作最後調整。

杭州亞運全能賽銀牌得主李思穎

昔日沈金康教練培訓李慧詩逐步成為世界級車手，依家達海飛與李思穎複製前人傳奇。達海飛睇好李思穎有天賦及技術，希望未來畀佢多參加歐洲賽提升戰術。佢認為李思穎今屆係吸收經驗，洛杉磯奧運時佢27歲，2032布里斯班奧運31歲，將係成熟運動員巔峰期。

達海飛愛，安排車手到歐洲踩車直接感受文化衝擊，李思穎表示獲益良多：「不斷歐洲比賽，學到主集團入面生存的技巧。歐洲條路可能一條線咁窄，難免好多碰撞，呢個先真正單車，可能炒咗一次，但都一定要追上去。香港女單車手以往好少人參加到奧運公路賽，完成更難，所以希望完成賽事。」

奧運女子公路單車賽全長158公里，跟男子組一樣都是以夏樂宮為起點及終點。賽道首90公里有6個同樣是不足2公里的爬坡路段，末段在蒙馬特山丘作3圈繞圈賽後回到夏樂宮終點。焦點車手有德國妮迪瑪(Antonia NIEDERMAIER)及利柏特(Liane Lippert)，此外5月橫掃3個世巡級別多日賽錦標的荷蘭車手禾伊玲(Demi Vollering)及隊友韋比絲(Lorena Wiebes)，還有37歲的荷蘭老將禾斯(Marianne Vos)，她曾是2012年倫奧冠軍。

講咁多嘢，無非都係想你今日捧李慧思場啫，「小李慧詩」，加油呀！

 

8月4日（周日）港隊賽程

時間 項目 運動員 成績

18:05 ILCA7 l帆船賽第7至8場 貝俊龍 /

20:00 女子公路單車賽 李思穎 /

(賽程以大會最後公布為準)