星8卦丨「新貴」債主追到上公司 高層投降安排北上避麻煩
2024-08-02 11:30 
知道網上熱烈討論中，原來事件仲有後續！上回講到「新貴」不單鍾意食人妻，最好係你有男朋友我就搞，總之而家咁有名氣又靚仔，後生女唔諗咁多架，玩一夜情最夾，大家唔駛負責任，如果啱玩咪耐唔耐開心下囉。
相關新聞：星8卦丨 「漏口」天生奸妃格專撬牆腳 遇「大婆」出招敗走一身蟻無人同情
但「新貴」多情濫慾都係小事，佢最衰有鋪爛賭癮，乜都啱賭，紅咗之後金山銀堆住嚟，就更加有籌碼。上得山多終遇虎，佢好快就遇到一班老千集團，見你有名氣又有啲錢梗係夾埋敵你一大筆。而家最新進展係啲收數公司追到上佢嘅東家，用傳統招數收啦，好彩人哋係大公司，啲古惑仔唔敢太過份，叫做畀返啲面，但對方亦識捉心理，知你要為「新貴」嘅面子着想，一定唔敢報警搞大件事。
高層睇住件事嘅進展，真係嬲到想同佢解約，但奈何係一隻金蛋，佢輸身家佢嘅事，公司始終搵到一大筆，心生一計，於是要佢北上，完全係香港消失。呢招又幾有效，「新貴」由於後生又有實力，所以穿州過省都撈得ok，亦因為唔熟地頭，無乜機會去繼續自己嘅不良嗜好，最好係有更多北方佳麗同「新貴」開心 。
高層講過情願「新貴」好色好過爛賭，前者至多畀人覺得咸濕，但呢個年頭，後生仔女唔係好介意偶像爛滾或者花心，總比做賭鬼咁樣衰。
其他文章：
星8卦丨「大紅」自食其力識富二代上位 被踢爆童年曾做手術雌雄莫辨
星8卦丨「一號」恃住名氣貪心狂用品牌錢 苦戀「俊型」被飛贏名
星8卦丨後生仔流行輪流食雞唔駛負責「未夠秤」玩真感情正戇居仔
星8卦丨「妹妹」誤信「發姣」可以搵快錢當「經理人」無到認真忘本
關鍵字
最新回應