巴黎奧運｜何詩蓓追星族 豪買近萬元門票 坐第一排望同偶像握手

泳后何詩蓓超多fans，今日佢首度出場，參加女子200米自由泳初及複賽。記者現場見到來自香港的曾小姐，就係特登來巴黎捧偶像場，而且不惜工作，每場賽事買近萬港元買飛，就係為咗近距離睇偶像，甚至有機會可以握手。

Tiana好早同媽咪，去到游泳館等入場，而且非常搶眼，全身中式打扮，紅色心型大耳環，手持特區旗，更厲害係有特製花牌，上面寫住「何詩蓓世一」，追星族支持偶像到底。

 

 

Tiana話上屆東京奧運，原本已想去睇，雖然最終未有成行，但電視上見到何詩蓓攞牌表現，非常激動，今次巴黎絕對唔可以錯過，而且不惜成本。

為咗親近偶像，Tiana在100及200米自由泳，都買最貴的門票，價值950歐羅。而且非常幸運，全部抽中第一排，可以最近距離睇泳后，佢更希望到時能夠有握手機會。

Tiana主要係捧何詩蓓場，之後會繼續去歐洲旅遊。佢對泳后充滿仰慕：「雖然何詩蓓係mix，但依然能夠代表香港人，充滿毅力同鬥志。即使已經26歲，依然保持高水準，實在難得。」