森美分享簡單秘訣:唔好令小朋友驚讀書 育成IB榜眼女兒 醫科兒子 丨獨家

2024-07-24 07:00
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time 0:00
 
1x
    • Chapters
    • descriptions off, selected
    • captions and subtitles off, selected

      森美分享簡單秘訣:唔好令小朋友驚讀書  育成IB榜眼女兒 醫科兒子 。
      森美分享簡單秘訣:唔好令小朋友驚讀書 育成IB榜眼女兒 醫科兒子 。

      森美孻女梁曦童今年IB考獲44分,成為IB榜眼;大仔梁曦樂年前亦喺英國嘅A-Level課程取得4科A*,以高材生姿態返港入讀港大「神科」醫學系。能夠培育一對子女成為學霸,森美分享獨門育兒細節,他堅持唔使PUSH,首要對小朋友有正面回饋,就算唔合格都要讚,以退為進畀到佢哋信心:「細路讀書好重要,唔好令佢哋驚讀書!」採訪:方騫平 攝影:朱偉彥 場地:Oyster Station

      阿女咁叻,森美狂掃美味生蠔低調「慶功」。
      阿女咁叻,森美狂掃美味生蠔低調「慶功」。
      50歲嘅金牌司儀森美出身自基層家庭。
      50歲嘅金牌司儀森美出身自基層家庭。
      小朋友肯讀書,作為父母會有個安心。
      小朋友肯讀書,作為父母會有個安心。
      森美靠苦讀成材。
      森美靠苦讀成材。
      森美教導子女會以退為進。
      森美教導子女會以退為進。
      森美係古董電單車發燒友。
      森美係古董電單車發燒友。

      患有過度活躍症嘅森美,當年會考以1A5B,共25分考上中大新聞和傳理系,加埋名校出身嘅靚老婆Veronica被讚一屋叻人,森美卻唔敢誇讚仔女好叻:「只係小朋友肯讀書,作為父母會有個安心,但唔會冇擔心,呢幾日為咗討論選科及未來路向,媽咪緊張咁問多兩句,個女都會唔開心,兩母女有吵架㗎,我就糾正個女『就算成績好,都唔可以對父母態度唔好。』其實每個家庭唔會所有嘢都好,正如自己以前都好任性,覺得讀大學唔係一切,唔肯着大學袍同父母影畢業相,𠵱家長大咗會有啲後悔。」

      就讀聖保羅男女中學嘅森美孻女梁曦童(左後1),今年IB考獲44分。
      就讀聖保羅男女中學嘅森美孻女梁曦童(左後1),今年IB考獲44分。
      森美女兒梁曦童(左1)好享受讀書。
      森美女兒梁曦童(左1)好享受讀書。
      聖保羅男女中學誕生1名取得45分滿分的狀元,及11名取得44分的「榜眼」,當中包括森美的女兒梁曦童(後排左1)。
      聖保羅男女中學誕生1名取得45分滿分的狀元,及11名取得44分的「榜眼」,當中包括森美的女兒梁曦童(後排左1)。
      聖保羅男女中學今年誕生多位尖子生。(相片來自學校網頁)
      聖保羅男女中學今年誕生多位尖子生。(相片來自學校網頁)
      森美女兒梁曦童成績驕人。(來自學校網頁)
      森美女兒梁曦童成績驕人。(來自學校網頁)
      讀緊醫科嘅森美長子梁曦樂,有意成為急症專科醫生。
      讀緊醫科嘅森美長子梁曦樂,有意成為急症專科醫生。
      因為家境問題,森美中3時返出去九龍轉校讀喇沙書院。
      因為家境問題,森美中3時返出去九龍轉校讀喇沙書院。
      森美靚老婆Veronica都係名校德望生。
      森美靚老婆Veronica都係名校德望生。
      讀大學一年級時嘅森美。
      讀大學一年級時嘅森美。

      有快樂就搵到錢

       

      目前森美放手畀囡囡決定去英國劍橋大學讀心理學還是留港讀醫:「媽咪梗係想佢留低,可以見佢多啲,我反而建議佢選修音樂,佢由細到大都鍾意音樂,牧童笛及長笛考上演奏級;敲擊樂就讀到8級,有啲嘢唔係用錢去衡量,搵到自己鍾意嘅嘢最重要,擁有快樂人生自然會搵到錢,咁樣就係最幸福。」森美突然又有感而發,指喺學術上經已無能為力教導子女:「兒子成日會更正我講嘅嘢,𠵱家只能教到佢哋做人,因為佢哋嘅缺點來自我身上,唔想佢哋都行冤枉路。」

      2017年梁曦童(左1)成為「小太空人計劃」其中一名小太空人。
      2017年梁曦童(左1)成為「小太空人計劃」其中一名小太空人。
      森美將女兒「寵到上天」。
      森美將女兒「寵到上天」。
      森美太太陳雅嫻想囡囡留港讀書。
      森美太太陳雅嫻想囡囡留港讀書。
      兩母女點親近都會有嗌交時候。
      兩母女點親近都會有嗌交時候。
      森美太太陳雅嫻帶囡囡見識世界。
      森美太太陳雅嫻帶囡囡見識世界。

       

      唔合格都要鼓勵

       

      談到獨門育兒法,他認為小朋友首要條件唔好驚咗讀書,並以女兒為例,她由細到大會自動自覺勤力讀書,除咗用唔同顏色筆將筆記寫到好靚,仲會沖杯茶擺好張枱,要有個好嘅學習環境,將讀書變成一種生活享受,唔會考試前才臨急抱佛腳:「我唔會Push仔女死讀書,只會以退為進話『唔使攞滿分,咁高分唔會知道自己錯啲乜,有80分經已拍爛手掌』;囝囝試過中文科得50分,我就讚佢『合格都ok呀,咁想唔想再高啲分?想嘅話仲爭咗啲乜呀?』即使唔合格,我都會鼓勵佢『差1分合格都唔錯呀!想唔想攞埋嗰1分?咁還欠啲乜?』就算只得20分,也說『都有分呀...』用呢個方向教導會較好,企喺佢哋立場提出問題,感覺係錫佢哋,唔係吩咐佢哋做啲乜,佢哋既聽得入耳,又唔會破壞父子關係。」

      梁曦童小學就讀聖保羅男女中學附屬小學。
      梁曦童小學就讀聖保羅男女中學附屬小學。
      森美話個仔性格最似他。
      森美話個仔性格最似他。
      森美兒子梁曦樂赴英求學後,成績突飛猛進。
      森美兒子梁曦樂赴英求學後,成績突飛猛進。
      森美兒子梁曦樂、孻女梁曦童都係學霸。
      森美兒子梁曦樂、孻女梁曦童都係學霸。

      「O嘴」小學生似他

       

      他又建議家長們因應小朋友特點來學習,唔好介意古怪行為:「我專注力失調會行來行去讀書,越嘈嘅地方,比如喺酒樓,就越集中到精神讀到書,好記得喺廁所讀書曾俾阿媽鬧。」森美尤其提醒家長切忌打鬧問子女「做晒啲功課未?」:「咁樣佢哋每次做功課都唔快樂,只會越做越求其,我經常講笑話『唔好急最緊要快』,心情急求其做,同用心快做好唔同,心急做係唔會享受到做功課嘅快樂。我中一去咗聖士提反書院寄宿,因為冇嘢做,成日坐喺書枱度畫功課,點知越畫越高分,越覺得做功課好開心,從中吸取到知識,第一年考全級15名,才察覺自己原來識讀書,自然對自己有要求,會畀心機去讀,所以要對小朋友有正面回饋,對佢有信心大於分數高低,要教佢哋做人,要對自己有要求,就算讀唔到書都要盡過力。」另外,對於爆紅嘅油天小學生「O嘴」片,森美形容小朋友好可愛:「𠵱家做小學生唔容易,片中表示『讀書係我本份』嘅陳同學打官腔都幾叻,將來係公關人才,會有領導才能,至於後面『O嘴』同學仔係我細個嘅翻版。」

      森美大讚3位油天小學生可愛到不得了。
      森美大讚3位油天小學生可愛到不得了。
      森美扮油天「O嘴」小學生。
      森美扮油天「O嘴」小學生。
      森美太太陳雅嫻係索爆人妻。
      森美太太陳雅嫻係索爆人妻。
      太太係持家有道嘅賢妻。
      太太係持家有道嘅賢妻。
      森美指太太愛他多過愛自己。
      森美指太太愛他多過愛自己。
      兩公婆好SWEET。
      兩公婆好SWEET。
      森美老婆陳雅嫻係童星出身。
      森美老婆陳雅嫻係童星出身。
      陳雅嫻係可愛小童星。
      陳雅嫻係可愛小童星。
      父親係退休消防隊,當年將3成收入供森美讀寄宿名校。
      父親係退休消防隊,當年將3成收入供森美讀寄宿名校。
      森美在《同居蜜友》與梁朝偉有對手戲。
      森美在《同居蜜友》與梁朝偉有對手戲。
      森美在《過街英雄》中做男一。
      森美在《過街英雄》中做男一。
      森美是城中的金牌主持人。
      森美是城中的金牌主持人。
      森美唔再push自己做太多嘢。
      森美唔再push自己做太多嘢。
      去奈良餵鹿。
      去奈良餵鹿。
      近年森美處半退休狀態。
      近年森美處半退休狀態。
      森美爆老婆唔畀佢退休。
      森美爆老婆唔畀佢退休。
      去日本旅行期間,森美坐低等老婆shopping。
      去日本旅行期間,森美坐低等老婆shopping。
      森美係滑雪高手。
      森美係滑雪高手。

       

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策