「桂神」黃興桂罕談父死於「三狼案」真相！斥戲劇情節歪曲 太太遇空難：比喪父難受
2024-07-22 20:10 
現年80歲、人稱「桂神」兼「金句王」的著名足球評述員黃興桂（Peter），多年來在講波時憑源源不絕的「金句」成為球迷間的話題，例如：「十二碼呢家嘢呢，有兩個可能性，一係入，一係唔入！」、「波唔使講架，球迷自己識睇！」和「呢場比賽我只可以用『一個字』嚟形容－精采」等等，令一眾球迷津津樂道。但原來黃興桂的家庭背景亦相當傳奇，爸爸黃應求是曾轟動香港的「三狼案」被綁架後撕票的死者，而有「香港新聞教父」之稱的黃應士原來是他的十一叔。
相關閱讀：47歲巨星涉殺人棄屍下水道 疑為情婦女星出頭 若無其事繼續拍戲被捕
黃興桂的爸爸是「三狼案」被撕票的死者：
黃興桂爸爸黃應求死於「三狼案」
黃興桂日前在「環星娛樂」YouTube Channel的節目「藝文館」訪問，重提爸爸黃應求在1959年是轟動香港的「三狼案」被綁架後撕票的死者，其後「三狼案」被多套電影和電視劇都以此為主題，黃興桂說：「嗰陣好多人想搵我媽媽、姑姐同阿叔做顧問，不過佢哋全部都拒絕，我同啲細佬妹去咗美國讀書，呢件事冇話點提！」不過黃興桂坦言部份情節被歪曲：「嗰兩三套戲都係歪曲咗，爸爸已經慘死仲要冤屈咗。今次有機會令大家知道，我爸爸根本係一個君子嚟，講說話從來唔會恃勢凌人，但拍戲為要傳奇效果，就將事實歪曲咗，我覺得我爸爸有啲唔抵，慘死仲要被冤枉，做到好似犯案就係好人，因為環境上逼佢犯案，因為佢有錢，花天酒地被綁架係抵嘅...但今次有機會可以講出事實。」
黃興桂爺爺未被綁前不知父遭撕票
黃興桂爸爸黃應求被綁架後，三狼未收到贖金就已經將黃應求撕票，其後他們將黃應求的其中一隻耳朵割下並寄到黃家，將他的屍體更棄置在近郊位置，最終一年多後，匪徒再策動一次綁架，將黃興桂的爺爺黃錫彬擄走再綁架要求200萬贖金，幸好爺爺機智未知驚動警方，講價要求先減一半贖金，獲釋放後會將另一半奉上，只希望把命保住，最終黃興桂的爺爺才成功逃脫。黃興桂續說：「喺阿爺未被綁之前，我哋唔知爸爸係死咗，以為佢係失咗踪，搵人周圍去搵我爸爸，到綁咗我阿爺之後，佢係用錢同機智先走得甩，佢出咗嚟之後，覺得自己係執番條命，所以寧願努力做嘢搵番啲贖金，都冇話要搵警方或者自己啲人去查。」
黃興桂太太82年死於空難
不過黃興桂的人生大起大跌，1982年因接到世界盃旁述的工作，未能陪太太Elane到美國旅行，沒想到太太在美國新奧爾良遇上空難，黃興桂曾在訪問上表示與太太陰陽相隔比喪父難受： 「嗰陣我坐咗廿小時飛機去認屍，喺眼前見到一袋袋黑色袋子，驗屍官勸我哋最好唔好睇，因為根據牙齒記錄，袋裡面嘅嘢，肯定係我太太是她了，不過因為身體唔齊全，睇咗之後，一定會發惡夢，所以最終我冇睇過佢最後一面，所以佢成日喺我個夢存在。」黃興桂坦言太太是他一生最愛，只想找個與太太一模一樣的女子，但現實中，機率實在太小，雖然一直不乏女友，但始終沒有談婚論嫁的衝動，結果到了55歲之年，黃興桂立定主意單身。
其他文章：
張艾嘉富商老公激罕現身！再婚共同度過兒子被綁架低潮 曾被冠上「小三」罵名
最新回應