劉俊謙爸爸「國民老爺」原來是牧師！曾開Show自資出CD 大爆囝囝中學戀事
2024-07-22 12:00 
現年35歲的劉俊謙2020年憑《幻愛》獲得「香港電影評論學會大獎」最佳男演員，成為影帝級人馬。去年憑Netflix劇《此時此刻》在台灣爆紅，今年再以《九龍城寨之圍城》紅遍大中華地區，雖然他已有女友蔡思韵，但仍有不少粉絲自稱「劉太」，劉俊謙亦成為「國民老公」。劉俊謙父母一直都好低調，原來「國民老爺」劉爸爸是一名牧師，2020年還曾與其他牧者一同開show。
相關閱讀：九龍城寨之圍城丨林峯捧自己場睇足3次 劉俊謙被問婚期口窒窒
劉俊謙爸爸是牧師？
近日內地網上傳一段劉俊謙父親劉穎牧師，在2020年10月舉行「Hearing b4 Healing We Are With You演唱會」直播期間的訪問片段，劉穎牧師當時被問到打頭陣演出的心情，他笑笑口說：「既緊張又興奮，又好爽。」主持隨後提到劉穎牧師於表演期間講囝囝講得好開心，問到兒子是誰時，劉穎牧師笑說：「我姓劉吖嘛，個仔叫阿謙，咪叫劉謙囉。」搞笑程度與囝囝劉俊謙有得揮，之後才說：「唔係，佢個名三個字，劉俊謙，係我同太太改嘅，真係人如其名囉。」主持也大讚劉俊謙人如其名：「又俊又謙虛」。
網民讚劉俊謙爸爸口才好
不少網民也大讚劉穎牧師：「劉爸今年都68了還活躍着，還在教會出歌出書什麼的」、「爸爸口才也好好」、「跟他爸爸說話一樣好溫柔的語氣」、「說話時嘴有點像」、「感覺父子倆說話的方式好相像」、「對，謙謙就是人如其名，又英俊又謙虛」、「基督家庭大多出來的孩子都很謙卑大愛的」。
劉俊謙中學被爸爸妙招阻拍拖
翻查當日片段，劉穎牧師與另外三位牧師一同舉行演唱會，當日演唱夏韶聲的《交叉點》、陳奕迅的《Shall We Talk》等歌曲，又演唱不同詩歌，還彈木結他。劉穎在表演期間又講起劉俊謙中學軼事：「我做咗牧師好多年、做咗爸爸好多年，我個仔阿謙中學會考嗰年，發生咗一件事。佢係學校籃球隊隊員，突然間佢想去打沙灘排球。」劉穎牧師當時對劉俊謙感到不解：「原來佢見到異象，原來佢隔籬班女同學係沙灘排球隊員，個女仔聲好甜、樣好靚，係佢杯茶。」
《九龍城寨》開《信一傳》？
劉穎牧師更大爆當年是女方主動：「佢好大方同我同太太講，佢都好想拍拖，聽完之後我同太太都冇詑異，因為佢高大靚仔，想拍拖係好自然嘅事。」劉穎牧師當時想阻止劉俊謙拍拖：「我同太太花好多時間聽佢講，點解想拍拖，原來想有啲拍拖嘅感覺，我同太太就分享喺中學、大學拍拖嘅經歷。我哋無即時拒絕佢，覺得需要尊重佢，同佢講『不如你用一個月時間諗下先』，因為要會考。」另一個原因則是那個女同學仍未信基督教，在信仰方面「唔係好夾」，將來溝通亦有問題。後來一個月後，劉俊謙擱置拍拖計劃，相當乖仔。
劉爸爸與羅乃萱牧師夫開Show
原來當時亦非劉穎牧師演唱會，昔日也曾與羅乃萱丈夫何志滌牧師等幾位牧師開show，在基督教圈中有一定知名度。劉穎牧師多年來熱衷於以音樂傳教，創作不少歌曲外，又將流行曲改詞成為詩歌，更曾自資出詩歌唱片，又有開設YouTube Channel，上載其作品、傳道影片。
劉穎牧師在大埔一間教會服侍30多年，也會去不同教會講道，除身為牧師外，也是一名註冊社工，多年來專注青少年事工，在2001年還創辦非牟利青少年事工培訓中心「青心」。現年68歲的劉穎牧師目前已經退休，但仍有繼續宣教、傳道工作，退而不休。
劉俊謙對家事好低調
劉俊謙入行後亦較少有在訪問中提到自己的父母，對父親職業亦保持低調；不過他也曾公開女友蔡思韵參加其家庭聚會，與劉俊謙父母及妹妹的合照，看來同為基督徒的蔡思韵已被未來老爺、奶奶接納，成功融入劉家。早前劉俊謙為雲浩影拍MV，也大爆爸爸是「迷雲黨」：「我爸爸媽媽好鍾意佢，當年歌唱比賽嘅時候，我哋全家人一齊睇佢唱歌。」
其他文章：
劉俊謙與韓媒分享演藝之路 扮演張國榮成當地影迷焦點 望有機會參與韓國電影電視演出
最新回應