鍾柔美相信同姚焯菲詹天文旅行唔嗌交　趁暑假跟同學出埠玩不歡而散丨獨家

2024-07-19 08:00

鍾柔美（Yumi）最近推出曲風較以往狂野的跳唱歌《Crack！》，講打破固有框框。完成DSE她終可盡情吃喝玩樂，先後已跟同學去了兩次旅行，不過竟然嗌交收場，令她上了一課，但她有信心跟好姊妹姚焯菲和詹天文就算出埠玩，可以好似籌備演唱會一樣，有商有量。採訪：杜杜攝影：林賓尼場地:The AIR (The ONE)

Yumi升讀大學後，仍會堅持發展演藝事業。

Yumi 以往走甜美曲風路線，今次《Crack！》就希望給大家新鮮感，「首歌有打破舊有事物意思，我希望試多啲新嘢，睇吓新曲風會有啲咩唔同效果。」趁考完DSE，又未到7月20日跟姚焯菲同詹天文《音樂出沒 Let\'s play together 演唱會》，她即跟同學好好享受暑假，「我已經同唔同嘅同學，去咗兩次旅行，先去韓國再去台灣，嚟緊等屋企人得閒再去玩，真係畀自己好好咁放鬆。」

Yumi在《Crack！》MV中，嘗試了多個不同造型。

Yumi在《Crack！》的舞蹈編排，跟以往亦很大分別。

MV中跟男主角的劇情，原來是Yumi借用朋友經歷。

優先考慮留港升學

本來旅行盡情吃喝玩樂，理應好開心，但韓國行卻發生不愉快事件令Yumi，「有同學因為揀衫問題嗌交，雖然我冇份，但係睇見佢哋咁，都會有啲唔開心，好彩好快冇事，亦都冇影響行程，不過學識咗去旅行揀伴真係好重要。」問到姚焯菲和詹天文會否是旅行好伙伴？她就好有信心話：「應該唔會嗌交，好似我哋今次傾演唱會啲嘢，都好順利，我哋反而一齊睇到啲問題向監製提出，我都好想約佢哋去日本玩，睇吓完騷後有冇機會啦！或者去新西蘭探Chantel（姚焯菲）都應該幾開心。」

Yumi去韓國旅行時，試穿傳統服裝。

Yumi台灣遊，最開心可盡情歎美食。

韓國行令Yumi最難忘就是上了一天舞蹈堂。

Yumi覺得跟姚焯菲和詹天文工作和去旅行，一樣會好夾。

講到開騷冇預炎明熹份，Yumi認為將來一定有機會，而對方的合約情況，她就不太清楚，更直言連自己合約的事亦不太了解，「我仲未成年，合約嘅嘢一直都係交畀媽咪處理，自己都係專心返學同做表演。」剛放榜的她，表明會優先考慮在香港升學，仲一定不會放棄唱歌事業，「最想留返喺香港讀書，真係好鍾意黐住媽咪同屋企人，同埋想繼續唱歌，喺香港會方便啲，睇見Chantel咁都會幾辛苦。」至於12月才滿18歲的她，竟然已經睇定車等考車牌，「我真係好希望快啲考到車牌，依家睇定到時即刻就可以買。」