蔡一傑憶梅姐煮半生雞翼：未熟都要冒險食 處男出書分享撚手菜

蔡一傑今日到書展為首本個人著作《傑少煮意》舉行簽書會，與書迷見面兼分享下廚心得。他表示小時候家境清貧，9歲開始已跟著媽媽買餸煮飯，又會煮飯給家人食，哥哥蔡一智也要幫手分擔家務，但他就沒想過做廚師，記得有次考試成績不好被罰無飯食，半夜肚餓起身自己炒飯食，笑言細細個已識得自己照顧自己。

蔡一傑處男出書。

新書分享撚手菜。

FANS送花畀傑仔。

𠵱家蔡一傑吸納咗好多年輕粉絲。

窮人家出身嘅蔡一傑細細個就要入廚。

蔡一傑入行多年，不少藝人朋友包括梅艷芳、羅文、袁詠儀、張智霖等都試過他的手勢，個個有讚無彈，他透露最多試過為30人下廚，但煮完一點也不想食，因為已食飽了油煙。講到師父梅艷芳的口味，他指梅姐最喜歡食薑蔥炒蟹，罕有下廚的梅姐也曾煮過草菇炆雞翼讓大家品嘗，「那一次我哋見到梅姐下廚，見煮得唔錯，個個讚佢犀利嘅時候，誰知一咬落去，發現雞翼中間有血未熟，我哋對佢說未熟，佢就問我哋『咁食不食？』，梅姐好少下廚，我哋唯有生都照食！」

傑仔在疫情開設網上頻道《傑少煮意》，4年間已過百條煮食教學片。

伍詠薇試食蔡一傑煮嘅梅菜炆豬肉。

又真係幾好味喎。