專欄│英西決戰趨謹慎 博「半和」划算

歐國盃決賽，年輕活力具侵略性嘅西班牙，將會對住粒粒皆星但踢法保守嘅英格蘭。西班牙今屆先後大炒格魯吉亞、淘汰德國、法國等實力分子，晉身決賽說服力十足。狂牛軍團領隊迪拉富安迪今屆改善西班牙以往只得無謂控球嘅打法，變得簡單直接，而球員發揮到化學作用。焦點年輕球員拉明耶馬有1入球3助攻，而表現出色的丹尼爾奧莫至今亦攻入3球，有望爭奪神射手，未知面對相對老練嘅英格蘭能否保持攻擊力。

英格蘭今屆歐國盃被批踢法沉悶保守，未能取悅球迷歡心，但跌跌撞撞之下，幾次靠球員嘅個人質素，先後加時淘汰斯洛伐克，互射12碼階段淘汰瑞士，以及淘汰荷蘭，晉身決賽。整體而言英格蘭喺今屆賽事抽到較容易對付嘅下線，體力留放比西班牙佳；加上三獅軍團板凳深度亦更深，上場靠前鋒奧利屈堅斯後備上陣，背身射入一記靚波，絕殺對手晉身決賽，相信雙方嚟到決賽踢法都相對謹慎。佩芝