塘尾道貨Van撞電動單車 外賣員一度昏迷送院 司機涉危駕被捕
2024-07-03 14:09 
旺角發生交通意外。今日（3日）下午12時許，一名35歲南亞裔男子騎乘電動單車，沿塘尾道行駛派送外賣。當駛至塘尾道兒童遊樂場對開近太子道西交界時，一輛懷疑停泊慢線路邊的銀色貨Van突然開門。南亞男猝不及防撞到車門倒向中線。與此同時，中線另一輛藍色貨Van駛至收掣不及，南亞男再度捱撞，幸藍色貨Van最終煞停，未有將他輾過。
意外後南亞男頭破血流一度昏迷，大批消防員趕至拯救。其後南亞男恢復意識，獲救護車送伊利沙伯醫院救治。現場所見地面遺下大灘血迹，兩名貨Van司機在場接受警員調查。及後警方表示，經調查後藍色貨Van的65歲姓李司機，涉嫌危險駕駛引致他人身體受嚴重傷害被捕，現正被扣留調查。
藍色貨Van姓李男司機曾向記者講述經過，他指自己當時駕車沿塘尾道行駛擬右轉入弼街，「突然間見有嘢飛出嚟，我咪煞車囉，我仲唔煞車呀，點知係咩嚟呀。原來話嗰度（銀色貨Van）開門，啱啱開門咋，成個人（外賣員）飛咗出嚟喇。」他續指外賣員撞向其貨Van車頭，「即刻煞停囉，冇壓住佢（外賣員）呀，壓住佢死梗㗎，喺車頭囉，無輾過！」
意外期間，塘尾道（往佐敦道方向）近太子道西的部分行車線一度封閉，交通繁忙。
最新回應