東涌火警｜貓媽媽與4貓B葬身火海慘死 主人：啲貓仔搵咗人領養 而家全軍覆沒
2024-06-27 23:40 
東涌逸東邨附近一個倉庫今日（27日）晚上發生火警，消防出動一條喉及一隊煙帽隊灌救將火救熄，事後發現3隻唐狗，全部沒有大礙，惟1隻貓媽媽及4隻貓B被火勢波及，全部葬身火海慘死。
相關新聞：東涌倉庫陷火海 黑煙攻上半空 5貓慘被燒死
貓狗場場主卓女士向《星島頭條》表示，起火現場為一個倉庫，之前曾進行工程，現時則用作擺放工具，今日下午4時她曾到貓狗場餵飼3隻狗及5隻貓，至傍晚6時才離開，當時沒有異樣，詎料晚上發生火警，「唔知點解會起火爆炸，我走嗰陣係無嘢嫁，應該係啲風吹埋嚟，搞到燒埋嚟」。
她指自己租用貓狗場已一段時間，面積大約600呎左右，專門收留被棄養的動物，平日與女兒一同打理。她指數月前發現有一隻流浪貓已懷孕，於是將牠養在貓狗場內，而貓媽媽亦於5月25日誕下4隻貓BB，「啲貓仔而家識埋兜食嘢，兩星期後都諗住畀人，搵咗人領養㗎喇，但佢哋（貓）全部被鐵籠鎖住，而家全軍覆沒，連貓媽媽都死埋，好彩消防嚟得切啲狗先無事咋」。
愛協督察抵達火警現場協助，共發現三隻成年唐狗及五隻短毛家貓。三隻唐狗經初步檢查後健康狀況表現正常，五隻短毛家貓則在到場前已發現死亡。所有動物包括屍體，已交由主人自行處理，並建議主人密切觀察狗隻情況，及在可行情況下帶狗隻到診所作詳細檢查。
最新回應