落貨區MMA‧有片｜兩男為搬貨空間動口又動手 懶理和事佬繼續互抽
2024-06-21 22:05 
天口㷫，易焫着？兩名男子日前晚上在天水圍天瑞街市卸貨區發生口角繼而動武，其間雖有兩名赤膊大漢上前做「和事佬」，但仍無阻兩人繼續用粗口展開罵戰。有網民指是「落貨區日常」，但亦有人笑言「不打不相識，呢啲係運輸業社交禮儀」。
有網民上載兩條影片至facebook群組，合共長約7分鐘，拍攝地點為天水圍天瑞街市卸貨區。片中所見，一名黑衫男子擬將貨車貨車駛離卸貨區，惟突然有一人站在車前破口大罵，未知原因。另一條片則顯示兩名黑衫男子在貨車前發生口角，未幾便發生肢體碰撞，大打出手。
兩名黑衫男子互不相讓，兜頭窩面、叉頸、起飛腳及鋤背等招式盡出，雖然兩名赤膊大漢上前做「和事佬」，但仍無阻兩人繼續用粗口展開罵戰，其中一人更大喊：「你唔好以為我驚X咗你先得㗎！」。其後兩人繼續「開戰」，於貨車罅之間互毆，兩名赤膊大漢只能無奈在旁「觀戰」。
警方表示，今日（21日）凌晨2時許接獲報案，指兩名男子在天瑞邨瑞財樓對開的落貨區發生爭執，其間更大打出手。警員到場調查，兩名分別38歲及37歲男子報稱因搬貨空間問題而起爭執，但沒有打鬥，兩人沒有受傷，警方將案件由「打架」改列為「糾紛」處理。
有網民表示兩名男子拳拳到肉，可能會打死人，釀成不可挽救的局面，「下下中頭，真係好易打死人，為咗個唔識嘅人坐監，一文不值」、「落貨區日常」、「不打不相識，呢啲係運輸業社交禮儀」、「大家都係運輸佬容易見面，忍一忍化敵為友飲番杯先」、「都搬咗成日貨啦，仲要打交，咁好精力收工去做義工啦」、「大家都揸搵食，和諧和諧」。
最新回應