家族榮耀丨許紹雄唔介意孖DaDa演忘年戀：今年興老牛吃嫩草！

綠葉王許紹雄在《家族榮耀之繼承者》中，跟陳靜（DaDa）演繹忘年戀，他坦言不會抗拒這類角色，更笑言：「今年興老牛吃嫩草呀！好多隻老牛好精神囉！」文：鄺芷瑩 圖：鄧國良

對於阿佘大爆親自出馬邀請他演出該劇，Benz哥笑言適逢考慮中時，阿佘就致電給他。

戲中的Benz哥與DaDa演繹一段忘年戀，他坦言不會抗拒這類角色。

Benz哥表示跟屬新一代的DaDa首度合作，大家好快熟落！

他又表示DaDa很乖，對他也很尊敬。

Benz哥指新一代好叻，以前的自己唔識自我增值。

現年75歲的綠葉王許紹雄（Benz哥）與佘詩曼（阿佘）多次合演父女，兩人再度為《家族榮耀之繼承者》扮演父女，更在吉隆坡拍攝時上契。對於阿佘大爆親自出馬邀請他演出該劇，Benz哥笑言適逢考慮中時，阿佘就致電給他：「初時梁家樹（Tommy）總監製無同講我係阿佘，只講這個角色，但阿佘同我講話應承咗啦！我話咁就好啦！」雖然跟阿佘感情要好，但Benz哥直言「丘皓兒」一角，非她莫屬，大讚對方演技：「演戲真係天生！當然有啲唔係天生啦！」

戲中的Benz哥與陳靜（DaDa）演繹一段忘年戀，他坦言不會抗拒這類角色，並笑謂：「老牛吃嫩草點會抗拒呀！食唔食得到另一回事啦！」談到跟屬新一代的DaDa首度合作，Benz哥笑言大家好快熟落，又搞笑指自己好濫交，不過DaDa很乖，對他也很尊敬：「宜家新一代好叻，我哋以前就戇居啲，好聽咪純囉！有嘢分你做就做，唔識增值。」

有網民把戲中的他與DaDa的忘年戀，與「何生、新何太」相題並論。

Benz哥笑說：「唔知係咪今年興呢啲嘢，興老牛吃嫩草呀！」

近年有指Benz哥移居新加坡，他坦言主要居住香港。

Benz哥不明白當地人為何以為他長居獅城。

他表示自己仲係拿住特區護照！

縱橫影視界50多年的Benz哥，談到演藝上可有目標？他笑說：「錢囉！」

演藝上的目標除了錢，更要養妻活兒。

問到可會像胡楓（修哥）永不言休？

Benz哥坦言會，但毋需做得太辛苦。

他坦言做人要有寄託。

不然會好快魂歸天國！

(小題)跟「何生新何太」唔同層次

提到《東張西望》的「何生、新何太」於街市結緣飲湯譜出真感情，有網民把戲中的他與DaDa的忘年戀相題並論。Benz哥笑說：「好似啲層次唔係好啱喎！年齡方面DaDa後生好多，DaDa後生過新何太、王青霞（Chris）。（可覺網民創意很有趣？）唔知係咪今年興呢啲嘢，興老牛吃嫩草呀！好多隻老牛好精神囉！」近年有指Benz哥移居新加坡，他坦言主要居住香港，但不明白當地人以為他長居獅城：「咪由佢哋以為囉！佢哋鍾意講乜就講乜，啲人話我移民，我話移你個頭，我仲係拿住特區護照！（網上指你是新加坡籍？）伸直就有！哈哈！我係可以長期居留，但未入籍。」縱橫影視界50多年的Benz哥，談到演藝上可有目標？他笑說：「錢囉！養妻活兒，無憂？都憂！又有錢又有人同你去玩，點解唔做？我由頭到尾都唔覺辛苦！鍾意就唔會悶啦！」問到可會像胡楓（修哥）永不言休？Benz哥坦言會，但毋需做得太辛苦。他說：「做人要有寄託，唔係好快魂歸天國！」

 

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊 https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow