謝君豪凍齡妻激罕現身！彩虹邨食飯被前TVB主播巧遇 同場更有兩《中年》評審
2024-06-18 21:15 
47歲前TVB主播方健儀與丈夫洪楚恆近年密密投資物業，除於2020年斥資1,850萬購入「柏傲莊I」一個三房兩廁單位自住外，又在日本及英國買樓收租，部署50歲退休計畫。其實方健儀本身在屋邨長大，亦經常光顧彩虹邨一家酒樓，最近該店慶祝開業60周年，加上彩虹邨重建在即，請來不少名人一同飯敘，影帝謝君豪更與太太戚婉儀齊現身。
相關閱讀：前TVB主播部署50歲退休計畫？ 港日英買磚頭放租做「包租婆」
方健儀巧遇彩虹邨之星謝君豪？
方健儀今日（18日）在IG分享帶老公及父母食飯的照片，同場還有61歲影帝謝君豪夫婦、周國豐及伍仲衡，眾人都把握機會合照留念，方健儀發文指：「來到先知，原來係金碧60周年晚宴，更驚驚驚喜嘅係，可以同彩虹邨長大嘅影帝謝君豪伉儷同枱。我哋全家變晒小粉絲，連一向冷靜嘅洪先生都一齊打卡。謝先生非常友善，完全睇唔出佢年齡同金碧相若，簡直係防腐劑嘅朋友。」方健儀和父母亦有與兩位《中年好聲音》評審集郵，更笑指：「我老竇方生已經話想參加《中年好聲音3》，以78歲高齡打破吳大強紀錄。我可摸耳做星二代，今鋪靠佢哋兩位啦。來來來，斟定酒、夾定嚿燒肉俾兩位老師食吓先。」方健儀搞笑指老闆娘貞姐原本叫她表演報新聞，怎知觸動到對方感觸落淚，笑言可能自己聲音有點穿透力。
方健儀周國豐經常光顧
周國豐去年12月已在同一間酒家巧遇方健儀，兩人一齊唱生日歌獻給一眾食客，方健儀更留言笑指：「周國豐老師，我唱生日歌有冇穿透力？有冇感染力？咬字清唔清晰？攞唔攞到20分？」周國豐即「大她」：「我畀20分你，你係咪參加先？」方健儀最後笑言：「嘩！俾周老師大我，我應唔應該大返佢轉頭？」
謝君豪舊地重遊：
另一方面，周國豐都有分享當日照片，並指自己當年在彩虹邨讀書，對於見到謝君豪，周國豐則指：「坐喺我左手邊嘅係影帝謝君豪同太太，你都咪話唔神奇，話說我上個月坐飛機先至第一次睇《毒舌大狀》，心諗做咗港台咁多年，都無機會認識謝君豪，點知事隔一個月，佢就失驚無神坐咗喺我隔籬。人好nice，好down to earth，我忍唔住問影帝『金碧強哥點可能係你同學呀？你哋嘅年紀睇落去相差⋯』，佢就秒回『咁大強自己要檢討吓啦！』」謝君豪1994年跟太太戚婉儀結婚，2001年誕下女兒謝采湳，謝君豪去年到英國紐卡素大學出席女兒的畢業禮，愛女樣貌罕有曝光。另外，周國豐又踢爆伍仲衡其實與酒樓無甚淵源，但笑指對方一向饞嘴是該酒樓Fans，又爆他當晚只用五分鐘就以店內招牌菜改成歌詞當作禮物。
其他文章：
前TVB主播遊塞班激罕晒泳照 爸爸做一事惹質疑 真相曝光全因怕痛？
前TVB主播帶父母豪遊西澳被百彈 高EQ應對引網民共鳴：長老通病
緊貼最新最快新聞資訊，請立即下載星島頭條App：https://bit.ly/3Q29Vow
最新回應