林愷鈴好多諗頭想同古仔憶蓮合唱為追歌手夢休學唔做建築師丨獨家

2024-06-18 07:00

龔慈恩24歲女兒林愷鈴（Ashley）成為古天樂旗下cool music歌手後，推出自己作曲的處女單曲《現在》，提醒自己把握現在，好好感受生命。港大建築系學士畢業的Ashley，要完成埋3年碩士課程才考到建築師牌，不過，為趁年輕追夢，她決定停學專心做幕前。採訪：方騫平攝影：羅安強髮型：Veron Chan @veronchan_impecc 化妝：Owen Ko @Owenko.station @zoeychinbeauty_official 服裝：SANDRO @SandroParis

林愷鈴趁有青春集中火力做幕前。

林愷鈴係古天樂旗下cool music歌手。

Ashley唔好意思公開唱古天樂名曲。

Ashley好鍾意唱歌。

Ashley趁年輕追夢。

龔慈恩入行前原來是一位鋼琴老師，Ashley受媽咪影響，由細到大都喜歡音樂，覺得唱歌能抒發感情，好自由自在，所以收埋唔少創作。讀完大學多咗自由時間，Ashley即爭取進軍歌壇。

Ashley推出首支單曲《現在》，MV由P1X3L成員George演出。

Ashley走小清新歌路。

龔慈恩參與愛女Ashley大學畢業禮。

林愷鈴有甜美笑容。

長腿美女。

林愷鈴最愛自彈自唱。

小時候好萌。

林愷鈴與胞弟林卓毅（Addison）感情好好。

追夢緊要過賺錢

Ashley笑言最希望可以同古老闆(古天樂)合唱，甚至作歌畀佢唱，她賣口乖說：「我有聽佢啲歌，好似《今期流行》咁，當年好hit，個個都唱。」不過，記者要求她唱兩句時，Ashley就耍手擰頭話怕自己唱得太差，唔敢開腔。雖然暫未有機會跟古老闆合唱，但就可以和欣賞的歌手吳林峰合唱創作歌《攤手黨》，她自爆有一個再遠啲嘅心願：「好想同樂壇天后林憶蓮合作，從佢唱嘅廣東歌感受到真實嘅感情，而唔係方程式；另外我都好欣賞岑寧兒嘅歌。」

當年古天樂hit歌《今期流行》MV好經典。

當年型男古仔

林憶蓮嘅演繹方法，改變咗Ashley對廣東歌感覺。

提到當紅歌手才賺到錢，Ashley坦言暫時仲年輕，會以夢想、價值行先：「做歌手唔係為錢，有機會實踐夢想點都係幸福嘅，所以未來幾年唔會讀碩士，集中火力唱歌及演戲，媽咪都支持我咁做。」Ashley未有進修碩士時間表，尤其喺娛樂圈好難有完美計劃，但強調一定唔會放棄攞建築師牌。記者笑問她會否嫁咗都未讀完碩士？她笑說：「擁抱所有可能性，用隨遇而安心態最好，機遇嚟到就會到。」