韓團RIIZE首在港開見面會爆跳狂玩兩個半小時元彬清唱《紅豆》超強誠意冧死Fans

2024-06-04 17:04

上周六，2023年出道的韓國男團RIIZE首在香港舉行粉絲見面會《RIIZING DAY》，門票一推出即售罄。

RIIZE上周六在港舉行首個見面會。

當晚，6子以跳到黐線的《Siren》揭開序幕，唱畢即逐個以廣東話跟粉絲打招呼，成燦用廣東話說「我愛你哋」，將太郎亦好開心可以跟香港的BRIIZE (粉絲暱稱)見面，自爆吃了蛋撻和燒賣等美食，恩奭同樣好鍾意食點心，Sohee就以字正腔圓的「大家好」Say Hello，至於元彬就賣口乖說：「大家今日點解咁靚？」惹來全場尖叫，最後忙內Anton分別用廣東話及英文跟全場Fans問好。其實全個見面會，6子都好努力講廣東話，雖然不斷要睇提示，但誠意搭夠，唔止講「我愛你哋」，「好掛住你」， Anton仲會講，「畀啲聲嚟聽吓。」好笑加感動。

見面會好精彩又唱歌又玩遊戲，玩嘅遊戲都同唱歌跳舞有關。

成員元彬、Anton及Sohee不斷送花畀Fans。

問完好就開始玩遊戲，成員抽出粉絲的問題和願望，將太郎就挑戰跳《Smoke》，Sohee同Anton就挑戰跳Sexy Dance。然後恩奭就抽到要清唱喜歡的歌曲，本來個人挑戰變6子齊齊challenge，Sohee及成燦分別唱了韓團Big Bang成員太陽的《Eyes, Nose, Lips》及《Seed》，而元彬就話來港時聽了王菲的《紅豆》好鍾意，並清唱了一小段，非常驚喜。

成個見面會，6子都好忙。

見面會共兩個多小時，RIIZE演繹了《Get A Guitar》、《Talk Saxy》、《Love 119》及《Impossible》等熱爆歌曲，又唱出英國男子組合One Direction的《One Thing》及他們為動畫片《SEALOOK》演唱的主題曲《HAPPY! HAPPY! HAPPY!》。