甄澤權花5年鑽研百人魔法嚇親觀眾同歲半囡囡玩彈出大量創作靈感丨獨家

2024-06-04 08:00

41歲魔術師甄澤權（Louis）憑TVB節目《街頭魔法王》系列成功入屋，Fans年齡層極廣，更不時到世界各地巡演。已是爸爸級的Louis本周五在澳門展開巡演首站，他更事先張揚，會有個靈感來自歲半囡囡Kacy嘅驚喜魔術，全場觀眾都能同時參與，非常好玩。採訪：方騫平場地：澳門永利皇宮酒店

Louis期望澳門成為舞台基地，可長做長有。

Louis唔後悔揀做收入唔穩定嘅魔術師。

Louis坦言魔術師之路唔易行。

Louis將家人故事、5年來嘅心路歷程、人生故事等融入最新表演魔術中。

Louis不停創作新魔術，未有鬆懈過。

《THE INFINITY甄澤權世界巡迴魔術之旅》於5年前完成後，Louis除咗湊女外，仲不停創作新魔術，未有鬆懈過。他透露最新嘅《以魔法之名世界巡演》首站喺澳門演出4場，以「MY FAITH」為主題，將家人故事、5年來嘅心路歷程、人生故事等融入表演魔術中。

Louis《以魔法之名世界巡演》首站喺澳門演出4場。

最新巡演會加入好多新元素。

2019年Louis跟拍拖多年女友李綺嘉(Elffi)結婚。

年多前可愛囡囡Kacy百日宴。

囡囡100日時超可愛。

希望紅館搞尾場
其中上演嘅「百人齊齊玩魔法」最有難度，足足構思咗3年，再度咗兩年時間加無數實測才成功：「我覺得魔術唔止得個睇字，觀眾要有份參與才有投入感，今次唔只得幾個觀眾玩咁簡單，係會有魔法發生，我會變咗啲嘢出嚟喺佢哋身上，畀佢哋帶走返屋企，令佢哋懷疑人生『點解嘅？冇乜理由喎！』其實呢part跟囡囡有關連，有時同佢玩係靈感泉源，會湧現一啲新諗法，不過就用多咗製作費。」除此之外，仲會集合以往每個魔術表演嘅元素，如同上演upgrade版嘅《街頭魔法王》、《魔法伽俐略》及於「匈牙利Joker Magic魔術大賽」奪冠的白鴿魔法等。

囡囡Kacy成為新魔法泉源。

女兒Kacy係Louis忠粉。

女兒Kacy有甜美笑容。

女兒Kacy人見人愛。

餅印兩父女。

疫情期間Louis變身湊仔公。

囡囡帶給他魔術新靈感。

Louis坦言疫情期間冇得演出令他事業跌落低谷，幸好「鑽研」咗囡囡出嚟，改變了他的人生：「Kacy成日笑好開心，唯一見到我變走佢嘅玩具就會喊。另外，都感激太太Elffi一直默默支持，佢唔介意我收入唔穩定，令我更加冇後悔入錯行，雖然魔術師之路唔易行，但仲頂得住，希望巡演尾場可以搬上紅館，而且澳門成為長做長有嘅舞台基地。」