黎姿同青春期囡囡齊敷面膜乜都傾 不斷獲邀拍戲又有戲癮有好劇本或考慮

近年專注美容事業及家庭的黎姿（馬黎珈而）今日（3日)出席銀行活動，身穿淺藍色西裝褸配紗裙的她雖然已52歲，但仍然容光煥發。黎姿表示為今次活動創作了一些AI畫作，當中有畫到家人、朋友、工作及生活，以及世界遊歷的故事，其中有一張地球前有棵大樹，是自己很喜歡的，這幅畫想讓大家響應和支持環保，珍惜樹木讓世界更美好和健康，令下一代有更好的生活。

黎姿現時也身體力行教小朋友環保，讓她們不要用太多膠質用品和不要浪費食水。

黎姿每逢暑假也會帶囡囡去不同地方遊歷。

黎姿今日出席銀行活動。

黎姿現時也身體力行教小朋友環保，讓她們不要用太多膠質用品和不要浪費食水，更笑言有時女兒比她更嚴厲：「有時我洗手洗得耐，佢會話媽咪唔好洗咁耐手，佢哋學校教佢哋環保意識都好強，佢哋好鍾意大自然，所以佢哋好環保，我都唔使咁勞氣。」黎姿又指女兒很喜歡藝術方面的東西，所以會經常帶女兒看畫展，又指每逢暑假也會帶她們去不同地方遊歷，至於是否會送她們去外國讀書，黎姿則謂要等女兒長大後才決定，但會尊重她們的意見：「去邊度讀書都無所謂，最主要係佢哋有求學嘅心，上進心同埋點樣去待人接物，同埋有愛心，最重要係人生價值觀。」她指女兒的志願有時會想做畫家，有時又會想做Fashion design或獸醫，有很多不同種類，一時一樣，所以現在仍是摸索當中，故要先嘗試啟發她們思維，讓她們感受自己喜歡什麼：「讀咩書都好，最緊要教佢哋學識點樣去做人，學識做人重要過所有書本上嘅事，唔係話讀書唔緊要，但識得做人係行走社會最好嘅方法。」

黎姿笑言3個分別各14歲及11歲的女兒開始青春期，所以也很貪靚，會請教她如何護膚，所以母女間也有很多話題，也經常跟她們一起敷面膜，問到有沒有請教她感情問題？黎姿聽後即說：「仲未，唔好嚇我！」至於會否將其美容王國傳授給女兒？她說：「冇諗過，其實比一個自由佢哋，睇佢哋將來鍾意乜嘢，由佢哋自己去選擇，我會尊重佢哋，雖然係自己骨肉，但長大後佢哋都係一個個體，佢哋有自己嘅自由同想法，始終將來佢哋都會離開我或者我都會離開佢哋。」又謂女兒現時已經長大，有想法也開始獨立，所以也需要有心理準備她們已不是以前的BB。至於將來她們惹去外國讀書，老公會否比她更不捨得？她說：「我唔敢諗太遠，我驚我真係好唔捨得，但我覺得佢哋最緊要健康同開心。」

黎姿指女兒的志願有時會想做畫家、Fashion design或獸醫。

黎姿笑言3個分別各14歲及11歲的女兒開始青春期，所以也很貪靚。

黎姿稱女兒去邊讀書冇所謂，最重要係人生價值觀。

提到早前在健身室中偶遇佘詩曼，她指見到阿佘很開心，雖然她事前知道跟對方是同一個教練，但因她每次返港都是來去匆匆，所以很驚喜，又謂兩人平日也有聯絡，也會約食飯，又指會儲起對方的劇一次過煲，問她是否也有戲癮？她坦言有：「會懷念拍戲嘅時候，我覺得都鍾意拍戲嘅，但因為拍一套戲需時太耐，其實陸陸續續有人搵我，時間嘅問題都真係推咗，睇吓緣份，將來如果有好劇本同時間夾啱先再講。」她又指會掛住舊拍檔鄭伊健及林保怡，他們也是好朋友，但也直認男士比較少來往，相反如蔡少芬、佘詩曼、鄧萃雯會聯絡得多，也很懷念跟她們一起合作的日子。

黎姿坦言仍有戲癮。

黎姿仍有跟蔡少芬、佘詩曼、鄧萃雯等舊拍檔聯絡。

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow