張致恒被爆北上登台一次袋X萬？罕有夫婦同心反擊 雯雯15字灰爆留言

39歲張致恒2019年與粉絲區燕雯（雯雯）奉子成婚，結婚四年育有四子，但二人婚後被封為「離婚KOL」，又經常被追數，雯雯亦不時放負數臭老公不願上班。張致恒近日終於「一改死性」，到內地登台搵錢養家，大唱當年Boy'z的經典金曲之餘，還唱好兄弟關智斌的金錯，更被傳媒爆出歌酬，但張致恒就在社交網反擊。

相關閱讀：性上癮男星舊愛大解放！開窿一件頭性感過比堅尼 多角度上水超有動感

張致恒被爆登台身價？

張致恒2003年與關智斌組男團Boy'z正式出道。

張致恒與粉絲雯雯在2019年9月簽紙結婚，誕下四個兒子的兩人近年多次鬧婚變又呻窮。

早前大仔天寶生日，張致恒曾寄語囝囝：「唔好好似Daddy咁失敗！」

雯雯日前又在IG放負留言：「既然世界不容納，倒不如離開。」網民又再憂心雯雯想不開做傻事。

張致恒早前曾在IG出Po搵工。

張致恒上月底獲廣州某酒吧邀請登台！

張致恒一身牛仔裝打扮，抵達現場時，獲大會安排拉炮歡迎。

並在大佈景板上簽名，猶如巨星般。

張致恒在台上獻唱時，台下觀眾high爆。

張致恒獻唱Boy'z的首本名曲《死性不改》時，全場觀眾揮動着印有張致恒的應援牌或螢光棒。

張致恒唱輕快的《LALA世界》時，他越唱越投入，一路唱一路跳，彈吓彈吓地單手揈上揈下，氣氛非常之好。

張致恒唱歌時，面露信心。

不少觀眾都識得唱Boy'z的經典金典《死性不改》。

有一名男歌迷獻花，並哄到張致恒耳邊，可見他在內地仍有不少死忠歌迷。

近日抖音又有新片段，見到張致恒似又到另一夜店登台，見他一身黑色打扮，高唱Boy'z時代的代表作《死性不改》。

張致恒還唱出關智斌的《眼紅館》，不過就引起不滿，直指他揀選舊拍檔的歌是蹭熱度。

張致恒不停與粉絲互動。

張致恒近日經常登台。

上載影片的網民則留言：「人家努力賺錢，支持一下」，被問到邀請張致恒要多少錢時，他則表示七萬。

張致恒看到相關報道後，隨即在IG Story轉發，並反擊指：「拜託你唔好亂寫可以嗎？搞到個個都嚟問我係咪收七萬，係收七萬我就唔使咁閉翳啦！」

雯雯今次亦同聲同氣：「七萬？如果係，我而家唔使咁乞丐」。

之前有人指張致恒為「超霉藝人」，雯雯也即轉發負面報道反擊。

雯雯罕有護夫表示：「我係成日發癲，成日鬧成日踏（踩），當時佢的確係廢，但佢而家每日肯工作，仲肯生存，想從新開始，咁點解唔可以畀佢行？人可以好脆弱，唔通真係要逼死？」

雯雯又指：「至少個仔生日，佢靠自己工作搵到錢，同到佢簡單慶祝，我已經覺得係好開始。」

經常放負的雯雯曾在IG批評張致恒揀工做。

張致恒都上過內地登台，更獲女粉絲獻花。

張致恒近一年做過不同工作，曾到小食店打工。

在街頭派安全套推銷。

張致恒之後還去成人用品店做店員。

張致恒4月時在IG的限時動態透露有新工作。

 

張致恒上月到內地登台反應相當熱烈，不少網民在抖音分享短片，記錄當日情況，更有一名男歌迷獻花，並哄到張致恒耳邊，可見他在內地仍有不少死忠歌迷。近日抖音又有新片段，見到張致恒似又到另一夜店登台，見他一身黑色打扮，高唱Boy'z時代的代表作《死性不改》，還唱出關智斌的《眼紅館》，不過就引起不滿，直指他揀選舊拍檔的歌是蹭熱度，而上載影片的網民則留言：「人家努力賺錢，支持一下」，被問到邀請張致恒要多少錢時，他則表示七萬。

張致恒看到相關報道後，隨即在IG Story轉發，並反擊指：「拜託你唔好亂寫可以嗎？搞到個個都嚟問我係咪收七萬，係收七萬我就唔使咁閉翳啦！」至於經常放負的雯雯今次亦同聲同氣：「七萬？如果係，我而家唔使咁乞丐」。

 

張致恒夫婦婚變日常：

張致恒於2019年與粉絲區燕雯奉子成婚，結婚時已有一子張天寶。

雯雯與張致恒四年抱四。

雯雯一度暗示會與張致恒離婚，更表示愧對兒子：「不能給你們完整家庭。」直接鬧爆老公又懶又廢、躺平不湊仔。

張致恒夫婦多次被網民力勸經濟有問題不應該再生小朋友。

張致恒最終決定結紮，因多次公開談及結紮而被網民封「結紮KOL」。

張致恒試過直播講結紮詳情！他指最初想在家計會做手術，不過因為要排期太長時間，張致恒還表示家計會要排至少半年：「我驚半年唔小心令到老婆又有咗。」

張致恒表示之前並非故意追仔：「真係唔小心，冇諗過自己能力咁強，哈哈。」

張致恒老婆曾自爆有一個兒子患自閉兼過度活躍症。 ​

張致恒最終出PＯ否認5歲大仔天寶有自閉症。

雯雯曾發長文與老公割席，表示收到不少追數訊息，明示自己沒綫還債，更表示即使老公出軌亦不會影到到她的生活或情緒。

去年7月，被老婆鬧爆多時的張致恒終於蒲頭，在IG Story貼相，指自己凌晨被叫整湯圓，其後還再Like老婆雯雯短片。

張致恒早前自爆屢因未能繳交租金而搬遷，還苦呻「我唔想再搬屋......我真係好辛苦......如果有冇人可以幫到我。」

雯雯暗示要離開屋企：「兩日可以去邊？」不過很快刪去此Po。

雯雯再加多兩錢肉緊說：「咁凍可以同佢哋去邊？原來去到絕路嘅時候，真係會冇人幫。」令外界猜測二人再次未能交租而被趕走。

來到2024年，雯雯又在IG狂數老公。

對於曾被網民指控她「扮可憐」，雯雯再出po為自己的行為澄清。

雯雯又再爆seed謂：「成日都話我生之前有冇諗清楚，佢哋而家已經活生生係度，係咪要丢左佢地？」

雯雯早前在IG Story貼出母子拖手照，並留言：「辛苦了。」疑暗示囝囝仍留院治療。

張致恒爛鞋底又公開要求贊助，連他本人自嘲厚面皮。

雯雯要靠網民送東西過活，早前有網民向他們一家送上迪士尼年票。

張致恒早前一家六口現身迪士尼樂園，跟跳跳虎開心合照。

日前，張致恒被網民在港鐵捕獲，見張致恒不斷篤手機。

有網民嘲張致恒身上有「噏臭味」。

雯雯早前已罕有發文護夫，對於張致恒到內地登台卻被指為「超霉藝人」，她即轉發負面報道表示：「其實有工作搵下錢生活又要畀你哋寫到咁，其實你哋內心係諗咩，係咪真係全家消失你哋呢班人就最開心」、「每日有工作，開始解決緊問題，唔通又要日日好高調放出嚟話你知？」雯雯一反常態讚老公：「衰佢係衰，但佢仲肯堅持搵錢畀屋企，點解唔畀條路佢行，繼續笑繼續踏，你哋真係咁開心？之後我唔知，雖然係遲咗啲，但至少個仔生日，佢靠自己工作搵到錢，同到佢簡單慶祝，我已經覺得係好開始」、「畀條路人行，其實會唔會比逼死一個人更加有意義？」

雯雯讚老公肯每日工作

雯雯再上載網民與她的私訊對話，網民直言雯雯講嘢一時一樣：「一時又話無就食同訓，一時又話佢每日都工作」，雯雯就回覆對方指：「地球每日都轉緊，世界每日都變緊，人每日亦向前行緊。」雯雯更表示：「我係成日發癲，成日鬧成日踏，當時佢的確係廢，但佢而家每日肯工作，仲肯生存，想從新開始，咁點解唔可以畀佢行？人可以好脆弱，唔通真係要逼死？」

 

其他文章：

張致恒脹爆樣內地登台獲巨星級待遇被嘲 雯雯被斥連累老公：我係成日發癲

性上癮男星搭港鐵遭捕獲走晒樣被問邊位 網民隔Mon嘲諷身上飄噏臭味

張致恒返茶餐廳新工派傳單兼做廚房 網民抱懷疑認為做唔長？

緊貼最新最快新聞資訊，請立即下載星島頭條App：https://bit.ly/3Q29Vow