顏國樑逝世丨薛家燕驚聞好友離世感愕然 慨嘆：又少咗一個咁好戲嘅演員
2024-05-26 16:09 
曾於TVB經典處境劇《香港81》飾演「陳積」的顏國樑今日（26日）驚傳死訊，享年71歲。顏國樑早前與太太霍潔貞接受TVB Plus節目《直播靈接觸》訪問，當時顏國樑表現依然非常精靈，精神不錯，他更談及目前身體狀況OK，想不到今日竟傳出死訊。曾與顏國樑在劇集合作的薛家燕，對顏國樑的離去感到婉惜：「我哋又損失咗一個咁好戲嘅演員。」
相關閱讀：「陳積」顏國樑驚傳死訊！享年71歲 梁思浩貼合照：顏先生一路走好
薛家燕與顏國樑昔日合作：
薛家燕為好友離去感婉惜
薛家燕曾與顏國樑在劇集《真情》、《十月初五的月光》和《皆大歡喜》，去年3月還邀請了顏國樑在新城節目《開心大派對》擔任嘉賓，當時兩人在節目內分享拍劇的軼事，顏國樑亦有談及發現患鱗狀癌的經過。對於好友顏國樑的離去，薛家燕今日回覆《星島頭條》：「佢一直好都好積極面對呢個病，屋企人對佢一直都好照顧，我哋一直都有聯絡，久唔久佢喺網上見到啲關於我嘅嘢，佢都會WhatApps畀我，不過近排就少咗聯絡，因為我成日周圍飛。」
顏國樑昔日相片：
薛家燕嘆又少了一個好戲演員
薛家燕續說：「我記得佢幾個禮拜前仲上咗梁思浩個節目，嗰陣佢都冇乜嘢，當然個聲帶仲未好，但係都好精神，所以突然間收到呢個消息，我都覺得好愕然同難過，我哋合作過咁多劇集，大家都係好朋友，希望佢一路好走，佢太太節哀順變，好可惜我哋又少咗一個咁好戲嘅演員。我哋會永遠懷念佢。」
在去年顏國樑接受薛家燕的訪問上，薛家燕表示一直都關心顏國樑的健康狀況，當時看見他有起色而感到安樂：「佢一個好積極嘅人，唔想自己有病。」顏國樑又稱醫藥費做成經濟壓力，他笑言等薛家燕介紹他工作，薛家燕即大讚他講得又唱得，都想邀請他一起去登台，顏國樑稱有薛家燕在一定反應好，並希望再有機會合作拍劇，以他們的默契定能擦出不少火花。
其他文章：
顏國樑逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命
顏國樑逝世丨鄧英敏原定今日往醫院探望 昨晚已收通知揭顏國樑太太表現堅強
顏國樑逝世丨69歲宣布結婚娶前藝員太太 一個原因拍拖多年未有註冊
顏國樑逝世丨2022現身台慶自揭患鱗狀細胞癌 公院留醫好無助 年初昏迷有幻覺
74歲顏國樑抗癌化療一度甩頭髮 北上被捕獲驚變白頭翁精神奕奕
顏國樑患鱗狀癌三期多次走出鬼門關 願做大體老師令生命更有意義
顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福
-----------------------
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
最新回應