顏國樑逝世丨梁思浩公開顏國樑最後訪問窩心細節要求拍靚前藝人太太留美好回憶

2024-05-26 16:00

顏國樑今日（26日）驚傳死訊，享年71歲。顏國樑與前TVB藝人太太霍潔貞相戀多年，雖然兩人在兩年前才結婚，但他們上月結伴上梁思浩《直播靈接觸》訪問，分享霍潔貞為顏國樑續命經過。梁思浩今日證實好友已離世消息，同時公開顏國樑很愛錫太太的小細節。

顏國樑最後訪問為太太留美好回憶：

顏國樑在2022年現身TVB台慶，驚爆患上癌症。

梁國樑同太太（左）結婚多年依然好恩愛。

顏國樑太太一直對老公照顧無微不至！

梁安琪（左）與顏國樑夫婦合照。

好友鄧英敏今日（26日）發文悼念顏國樑。

梁思浩今日（26日）證實了顏國樑的死訊。

梁思浩上載了兩張顏國樑上月與太太霍潔貞（貞姐）現身梁思浩TVB節目《直播靈接觸》的照片。

梁思浩透露拍攝當日，顏國樑千叮萬囑要將太太拍攝得美麗。

霍潔貞是前TVB女藝人。

顏國樑與太太霍潔貞鶼鰈情深。

梁思浩主持的通靈節目邀請嘉賓分享靈異經歷。

顏國樑上月為梁思浩主持的通靈節目任嘉賓。

顏國樑當是精神尚好。

顏國樑太太亦有現身。

當時顏國樑指昏迷期間曾有「醫務助理」想帶走他。

顏國樑指險踏鬼門關時獲太太做一事續命。

顏國樑在節目中憶述當時經歷。

顏國樑提到多個在醫院時的「經歷」。

梁思浩一邊聽一邊非常感動。

顏國樑直言太太淡出幕前多年，一直拒絕受訪，當日肯出鏡，除因畀面梁思浩，亦因顏國樑希望為自己同太太留下一個美好回憶。

梁思浩今日在Facebook分享了兩張顏國樑與霍潔貞當日拍攝的照片，並忍痛發文：「收到沉痛嘅消息！顏太講俾我聽：顏先生昨晚（25日）22:30安詳地離開了。顏太太節哀順變，你丈夫好痛錫妳，所以我亦幫佢一個心願，佢要同妳留下一個美好嘅片段同回憶！所以嗰日電視台出鏡，佢千叮萬囑我，要將佢太太拍攝得美麗，（因為太太在他心目中永遠都係最靚最溫柔）亦都等你哋兩個喺人生嘅片段裏面有一個最溫馨美好嘅回憶！顏先生一路走好」。梁思浩受訪時補充，希望顏國樑家人節哀，霍潔貞也不要太傷心，直言她這兩年努力照顧丈夫，着她要好好照顧自己身體，大家都心痛她消瘦不少。

顏國樑69歲宣布娶老婆：

顏國樑在經典處境劇《香港81》中飾演「陳積」，令人印象深刻。

顏國樑早前因出席台慶，而公開患上「鱗狀細胞癌」消息。

顏國樑不只樣貌就連聲線都有所改變。

顏國樑2008年離開TVB後，原本因對身體有幫助而練太極。

顏國樑沒想到因聲音沙啞，去檢查後發現患癌。

顏國樑證實患病前，原本準備開劇。

顏國樑（右二）已打算死後捐出遺體，助醫學研究。

顏國樑自言生前帶給大家快樂，希望死後對大家身體都有些幫助，因此決定做「大體老師」。

顏國樑早於2013年參加了香港大學的大體老師計劃。

顏國樑表示：「死亡都係輪住嚟，生老病死邊個避到？好多個走咗，（余）子明哥、嘉玲姐，睇你點走，可以避到就避，避唔到就去做大體老師，有啲意思，走的時候對社會有用。」，

顏國樑仲識講笑：「等醫生仔劏落我度，我又唔痛，好過錯手割落病人身上。」

顏國樑的聲線越來越高音，因氣管受壓而出現少許缺氧，間中會有輕微氣喘，仍要接受治療。

顏國樑：「做咗4次療程，腫瘤同耳鼻喉科都話進展良好，現時需要再做多兩次療程，都要燒多兩次銀紙符。」

顏國樑性格樂觀，坦言如身體許可想再工作，拍多些好的劇集，帶多點歡樂給觀眾。

顏國樑經歷癌疾，最感激是醫護團隊及關心他的朋友。

顏國樑被問到治療的過程，坦言辛苦：「散晒！周身骨痛，啲關節痛到不得了，無力，講嘢無氣，行路無平衡。」

顏國樑抱樂觀心態面對疾病：「我都唔當佢係嘢，要面對現實，你驚又會出現，你唔驚又會出現，咁驚嚟做咩？」

顏國樑坦白表示化療很貴，每個月打一針已花39,600元，而且不是有錢就可以接受治療，而睇當時的身體狀況。

顏國樑不介意公開有攞傷殘津貼，每個月有2千多元。

顏國樑談到經濟壓力：「點會冇呀！我真係紈絝子弟呀？富二代呀？唔好玩啦！我TVB打工㗎咋以前。」

顏國樑表示若非現身台慶，其實沒有跟朋友講自己有事，擔心別人以為他要借錢。

顏國樑提及太太時打趣表示：「大家都幾廿歲喇！我哋都要人照顧，佢仲照顧埋我囉，呢樣嘢好感激佢。佢唔照顧我冇人照顧我，一路感恩同感激。」

二人一直未有註冊原來受移民問題影響，顏國樑說：「如果結婚去移民個本錢唔夠，就好大影響，如果單身去第二度就方便啲，所以就hold住囉。」

顏國樑表示二人相處，頭三年後就沒有甜言蜜語，不過他已立遺囑：「清清楚楚乜都係佢嘅，咁有咩問題。」並透露將會註冊，給「太太」一個名份。

顏國樑說：「內地嘅居住證都要身份嘅，如果你收個女人喺屋企就當招妓，為咗法例問題，（註冊）快㗎喇，我低調唔好問我幾時，好簡單使幾千蚊。」

顏國樑與霍潔貞早於三十多年前於TVB相識，雖然近年顏國樑患鱗狀細胞癌，經常出入鬼門關，霍潔貞卻無微不至地照顧，顏國樑年初因昏迷不醒經歷15日生死邊緣，霍潔貞四出求助，找方法為老公續命，霍潔貞在節目中透露：「我去咗濟公廟搵廟祝，幫佢祈福。裝香、化寶、誠心求拜，佢（顏國樑）平時抄咗啲《心經》，我拎去化咗佢，總之就係做呢啲。有人提議問會唔會諗吓法科方面，我即刻諗起我娛樂圈好朋友，即刻打畀佢，8點幾，問佢有乜可以做，佢叫我第二朝一早去濟公廟裝塔香，呢15日係一個關。」最終顏國樑奇蹟蘇醒。