專欄｜紐亞過氣了嗎？

紐亞對皇家馬德里因為尾段一個失誤，令拜仁慕尼黑歐聯4強出局，失咗呢球馬上兵敗如山倒，被祖斯奴梅開二度，令到今屆溫布萊嘅歐聯決賽未能再上演德甲打吡。

紐亞近呢兩年都受到傷患困擾，亦被人質疑佢嘅表現，唔應該再係德國國家隊正選，係時候輪到巴塞隆拿嘅達史特根。不過依兩場嘅歐聯賽事，佢再一次成為主角，三番四次嘅撲救力保拜仁不失，要知道佢迎接高空波同埋一啲近門撞射都能夠救出，反應依然無慢到，次回合總共有4次撲救，不過佢犯咗個100次可能先得1次嘅犯錯，可以話係無辦法。永遠龍門呢個位置，只會記得佢嘅犯錯。

我哋再評論一下佢嘅用波，其實都係咁淡定有錢剩，85%嘅傳球成功率，視野仍然非常之廣，左右腳都係好穩陣，有球印象好深刻，洛迪高高斯埋去逼佢，佢都可以一腳推開，然之後左腳斬畀隊友。佢嘅用波，仍然係世界第一。

仲有一樣大家會忽視咗嘅，係佢嘅提場係中流砥柱，指揮住雙迪組合嘅防守，用佢嘅經驗話俾隊友聽點做，尤其是防守死球嘅時候，顯得佢喺拜仁係好重要，無乜邊個可以取代到。

所以嚟緊歐洲國家盃德國國家隊仍然選用紐亞，其實都係一個正確嘅選擇，今年始終德甲係歐洲大戶，表現之好，令佢值得正選席位。Willhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ