愛回家｜「CPU」譚坤倫回娘家竟遭拒諸門外？上月慨嘆機會欠奉宣布離巢
2024-05-11 21:00 
32歲譚坤倫（Alan）2011年參加《功夫新星》入行，在效力TVB約13年間拍過不少劇集，近年終憑處境劇《愛回家之開心速遞》飾演「施彼余（CPU）」一角而引起關注，惜上月22日突然於IG宣布離巢，令不少劇迷大嘆可惜，未料不足一個月他便重返娘家，但卻慘遭「拒諸門外」！
相關閱讀：愛回家丨接龍IT部「CPU」譚坤倫宣布離開TVB 試過長時間冇工開 曾在少林寺學武兼獲武術比賽亞軍
譚坤倫重遊TVB電視城：
譚坤倫昨日（10日）上載抖音片，自揭近日重返TVB電視廣播城，主要是交還員工證、行車證及Locker鎖匙，惟連續嘟卡入閘都被「拒諸門外」限制進城，他無奈道：「公司嘅人同我講，我今日係仲可以入去嘅，結果……試多次都係唔得，最後我就要好似當初第一次入TVB嘅情況，要申請呢個探訪證，然後再入去，所以特別有一種好耐冇見嘅感覺。」
譚坤倫公開TVB餐廳環境
當日，譚坤倫相約一班《愛回家》同事在公司餐廳食Lunch，包括「豪仔」李泳豪、「Ivan」鄧永健及「Laptop」孟希璘等，其間還重遊錄影廠，看到廠外的景色，他感性表示：「望番呢個景的確有好多回憶，呢度就係我哋拍攝廠嘅外面，我哋喺呢度經歷咗每一個通宵、每一個晚上。」接着又公開《愛回家》的「初戀Cafe」廠景，譚坤倫說：「呢度亦都有好多笑料同回憶喺呢度。」
譚坤倫昔日演出作品：
片中可見，除了與《愛回家》演員們合照留念外，譚坤倫又獲飾演接龍集團女神「Elaine」的李芷晴遙距派心，單立文（豹哥）更請食下午茶，足證這個劇組猶如大家庭般溫暖，他說：「最後一日返嚟，有好多同事畀咗好多祝福我，同埋好多建議，都好多謝你哋，亦希望有一日我哋可以江湖再見。」
譚坤倫不捨TVB疑嘆欠機會
當廠巴駛離公司時，譚坤倫見到大門的TVBuddy公仔一再嘆道：「諗起好多回憶，亦都好唔捨得呢度嘅所有人、所有事。」一眾網民亦大感不捨，當中有人問為何離巢？譚坤倫簡單回覆「機會」二字，其實上月他已公開表明，自兩大監製潘嘉德和莊偉健離開後，經歷了漫長的「失業」期，雖然後來參與不少劇集，但都是扮演閒角居多，相信是因沒有發揮機會才毅然外闖。
其他文章：
「熊心如」蘇韻姿突遭TVB官網除名宣布正式離巢 去年傳犯三宗罪被雪「回家」無期
愛回家丨郭珮文首現身！演秘書玩倒奶濕身誘惑 扮高海寧拉拉鏈老戲骨流鼻血
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應